Statistik məcmuədə Azərbaycan Respublikasında səhiyyə, sosial müdafiə və mənzil şəraitinin vəziyyətini əks etdirən əsas göstəricilər, həmçinin əhalinin sayı, doğum, ölüm və təbii artım haqqında məlumatlar verilmişdir.
Səhiyyə bölməsində müalicə-profilaktika müəssisələrinin şəbəkəsi, əhalinin xəstəlik sinifləri üzrə xəstələnməsi və ayrı-ayrı xəstəliklərin lokalizasiyalar üzrə bölgüsü, sanatoriyalar, pansionatlar və istirahət evləri, doğuş, abort, bədən tərbiyəsi və idmanın inkişafı haqqında məlumatlar əks etdirilmişdir.
Xəstəliklərə dair cədvəllərdə məlumatlar Xəstəliklərin Beynəlxalq Təsnifatının 10-cu baxışı (XBT-10) əsasında verilmişdir.
Sosial təminat bölməsində pensiya təminatı, sosial müavinətlər, təqaüdlər, aztəminatlı ailələrə verilən ünvanlı dövlət sosial yardımı, ümumi və ilkin əlillik, ahıllar, əlilliyi olan şəxslər və baxımsız uşaqlar üçün sosial xidmət müəssisələri, istehsalatda zədələnmələr haqqında informasiya əks edilmişdir.
Mənzil şəraiti bölməsində ölkə üzrə mənzil fondunun ümumi və otaqların sahəsi, özəlləşdirilmiş mənzillərin sayı, mənzil fondunun abadlığı, dövlət hesabına əhalinin mənzil şəraitini yaxşılaşdıran və mənzillərin güzəştlə əldə edən ailələrin sayı haqqında məlumatlar əks etdirilmişdir.
Mənzil fonduna dair məlumatlar əhalinin 2009-cu il siyahıyaalınması məlumatları əsasında yenidənhesablanmışdır.
Nəşr edilmiş informasiya Azərbaycan Respublikası Dövlət Statistika Komitəsinin rəsmi statistika məlumatlarına əsaslanır.
Məcmuədə əks etdirilmiş bəzi məlumatlar ölkənin şəhər və rayonları üzrə verilmişdir.

Şərti işarələr:
« - » hadisə möcud deyil;
« ... » statistik məlumat yoxdur;
« 0,0 » hadisə baş vermişdir, lakin onun qiyməti uyğun ölçü vahidindən kiçikdir;
« x » müqayisə mümkün deyildir.