Təhlükəli tullantıların əmələ gəlməsi və hərəkəti haqqında

Müəssisələrdən daxil olmuş məlumatlara əsasən, 2009-cu ildə yaranmış təhlükəli tullantıların miqdarı 2008-ci ilə nisbətən 44 faiz azalaraq 16 min ton təşkil etmişdir. Onların 89 faizi Bakı, 10 faizi isə Sumqayıt şəhərlərində yerləşən müəssisələrin payına düşür. Yaranmış təhlükəli tullantıların 10,3 min tonu və ya 64 faizi müəssisələrdə istifadə edilmiş, əvvəlki illərdən qalan tullantıların 6,9 min tonu tamamilə zərərsizləşdirilmişdir (məhv edilmişdir).

2010-cu ilin əvvəlinə müəssisələrdə mövcud olan 1,6 milyon ton təhlükəli tullantılardan 1,2 milyon tonu metallurgiya emalında əmələ gələn IV dərəcəli şlaklardır.