2015-ci ilin avqust ayında kənd təsərrüfatı məhsullarının istehsalçı qiymətlərinin dəyişməsi haqqında

Avqust ayında heyvandarlıq məhsullarının istehsalçı qiymətləri 1,5 faiz bahalaşmış, bitkiçilik məhsullarının istehsalçı qiymətləri 0,9 faiz ucuzlaşmışdır. Ümumilikdə kənd təsərrüfatı məhsullarının istehsalçı qiymətləri əvvəlki ayla müqayisədə 0,3 faiz bahalaşmışdır.
Birillik bitkilərdən buğdanın, lobyanın, qarpız və yemişin, bibərin, xiyarın, badımcanın, kartofun istehsalçı qiymətləri ucuzlaşmış, arpanın, baş sarımsağın, göyərtinin, çuğundurun, pomidorun, baş soğanın, quru otun istehsalçı qiymətləri bahalaşmış, digərlərinin isə qiymətləri sabit qalmışdır.
Ay ərzində çoxillik bitkilərdən şaftalının istehsalçı qiyməti bahalaşmış, əncirin, almanın, armudun, gavalının, göyəmin, alçanın, zoğalın, çay yarpağının istehsalçı qiymətləri isə ucuzlaşmışdır. Digər çoxillik bitkilərin qiymətlərində ciddi dəyişikliklər baş verməmişdir.
Heyvandarlıq məhsullarından südün, qoyun və keçilərin, onların yuyulmamış yununun istehsalçı qiymətləri ucuzlaşmış, balın, mal və quş ətinin, yumurtanın istehsalçı qiymətləri isə bahalaşmışdır.

Əlaqə telefonu: 538-52-72