2012-ci ilin yanvar-iyun aylarında yeni yaradılmış hüquqi və fiziki şəxslərin sayı haqqında

2012-ci ilin yanvar-iyun ayları ərzində ölkədə hüquqi şəxslərin sayı artmaqda davam etmiş və qeydiyyatdan keçmiş 2585 hüquqi şəxsin 116-sı dövlət mülkiyyətinə, 2171-i xüsusi mülkiyyətə, 240-ı tam xarici investisiyalı, 57-si birgə müəssisələrə, 1-i isə bələdiyyə mülkiyyətinə aid olmuşdur.
Yeni müəssisələrin 62,2 faizi Bakıda, 11,9 faizi Aran, 6,9 faizi Abşeron və 5,3 faizi Gəncə-Qazax iqtisadi rayonlarında, qalanları isə digər bölgələrdə qeydiyyatdan keçmişdir.
Azərbaycan Respublikası Vergilər Nazirliyinin məlumatına əsasən, 2012-ci ilin yanvar-iyun aylarında 29327 fiziki şəxs qeydiyyatdan keçmişdir. Onlar daha çox Bakıda, Aran, Gəncə-Qazax, Şəki-Zaqatala, Lənkəran və Abşeron iqtisadi rayonlarında qeydiyyata alınmışdır.