2012-ci ilin II rübündə mənzil bazarında qiymətlərin dəyişməsi

     2012-ci ilin II rübündə mənzil bazarında qiymətlər əvvəlki rübə nisbətən 0,5 faiz ucuzlaşmışdır.
     Rüb ərzində təkrar mənzil bazarında qiymətlər əvvəlki rüblə müqayisədə 0,5 faiz ucuzlaşmış, ilkin mənzil bazarında isə 1,5 faiz bahalaşmışdır. Təkrar mənzil bazarında aşağı keyfiyyətli mənzillərin qiymətləri 0,7 faiz, birtipli mənzillərin qiymətləri 0,3 faiz, yaxşı layihələndirilmiş mənzillərin qiymətləri 0,9 faiz, elit mənzillərin qiymətləri isə 0,8 faiz ucuzlaşmışdır. İlkin mənzil bazarında birtipli mənzillərin qiymətləri 0,1 faiz, yaxşı layihələndirilmiş mənzillərin qiymətləri isə 3,6 faiz bahalaşmışdır.