İstehlak bazarı haqqında

2011-ci ilin altı ayı ərzində ticarət şəbəkəsindən əhaliyə 7,6 milyard manat məbləğində və ya 2010-cu ilin eyni dövrü ilə müqayisədə 9,8 faiz çox istehlak malları satılmışdır. İstehlak mallarının 7,3 milyard manatı pərakəndə ticarət, 229,7 milyon manatı iaşə şəbəkələrində realizə olunmuşdur. Əhalinin pərakəndə ticarət şəbəkələrində xərclədikləri vəsaitin 61,4 faizi ərzaq məhsullarının, 38,6 faizi isə qeyri-ərzaq mallarının alınmasına sərf olunmuşdur.
Altı ay ərzində xidmət şəbəkələri vasitəsilə əhaliyə 2,3 milyard manatlıq və ya əvvəlki ilin eyni dövrü ilə müqayisədə 7,9 faiz çox pullu xidmətlər göstərilmişdir.