logo
2019-cu ilin yanvar-iyul aylarında ölkənin xarici ticarət dövriyyəsi 19932,8 milyon ABŞ dolları təşkil etmişdir. 2019-cu ilin yanvar-avqust aylarında əvvəlki ilin eyni dövrü ilə müqayisədə 2,4 faiz çox ümumi daxili məhsul istehsal edilmişdir. 2019-cu ilin yanvar-avqust aylarında pərakəndə ticarət şəbəkəsində satılmış məhsulların dəyəri 24,2 milyard manata bərabər olmuşdur. 2019-cu ilin yanvar-avqust aylarında sənayenin qeyri neft-qaz sektorunda məhsul istehsalı 15,2 faiz artmışdır. 2019-cu ilin yanvar-avqust aylarında əsas kapitala 8627,2 milyon manat vəsait yönəldilmişdir. 2019-cu ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 587,7 manat olmuşdur. 2019-cu ilin yanvar-avqust aylarında istehlak məhsullarının və xidmətlərin qiymətləri 2,6 faiz bahalaşmışdır. Ölkə əhalisinin sayı 2019-cu il iyul ayının 1-i vəziyyətinə 10019575 nəfərə çatmışdır. 2019-cu ilin yanvar-iyul aylarında istehlak məhsullarının və xidmətlərin qiymətləri 2,7 faiz bahalaşmışdır. 2019-cu ilin yanvar-iyun aylarında orta aylıq nominal əməkhaqqı 585,2 manat olmuşdur. 2019-cu ilin yanvar-iyun aylarında ölkənin avtomobil yollarında 2018-ci ilin müvafiq dövrü ilə müqayisədə 2,0 faiz çox yol-nəqliyyat hadisəsi baş vermişdir. 2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25141,6 min ton, yük dövriyyəsi isə 5301,0 milyon ton-km olmuşdur. 2019-cu il avqust ayının 5-nə olan məlumata əsasən respublikanın 22 rayonunda və Naxçıvan Muxtar Respublikasında dənlilərin və dənli paxlalı (qarğıdalısız) bitkilərin biçini tam başa çatmışdır. 2019-cu ilin yanvar-iyun aylarında Azərbaycana 1410,7 min əcnəbi və vətəndaşlığı olmayan şəxs gəlmişdir.

Əliyeva Çimnaz Məstan qızı – İnformasiya texnologiyaları şöbəsi

Şöbə müdiri
Telefon: 538-61-51
E-poçt: chimnaza@azstat.org
1976-cı il avqust ayının 7-də Bakı şəhərində anadan olmuşdur. 1998-ci ildə Azərbaycan Texniki Universitetinin Avtomatika və hesablama texnikası fakültəsinin bakalavr pilləsini, 2008-ci ildə isə magistr pilləsini fərqlənmə diplomu ilə bitirmişdir.
1998-2012-ci illərdə Dövlət Statistika Komitəsinin Baş Hesablama Mərkəzində mühəndis proqramçı, baş mühəndis proqramçı, şöbə rəisinin müavini, 2012-ci ildən isə Dövlət Statistika Komitəsinin Aparatında Keyfiyyətin idarə olunması və informasiya texnologiyaları şöbəsi müdirinin müavini vəzifələrində işləmişdir.
2018-ci ildən Dövlət Statistika Komitəsinin İnformasiya texnologiyaları şöbəsinin müdiridir. Dövlət qulluğunun müşaviridir.
Şöbənin fəaliyyət istiqaməti:
- statistika sistemində informasiya təhlükəsizliyinin təmin olunması sahəsində əsas siyasətin müəyyənləşdirilməsi üçün zəruri tədbirlər görür, məlumatların məxfiliyinin təmin olunması qaydalarını və öhdəliklərini hazırlayır;
- informasiya texnologiyalarının tətbiqinin təşkili və xidmətlərin təkmilləşdirilməsi yolu ilə statistika işlərinin səmərəliliyini yüksəltmək üçün zəruri addımlar atır;
- məlumat bazalarının müasir texnologiyalar əsasında və beynəlxalq standartlara uyğun aparılmasını təmin etmək məqsədi ilə müvafiq idarəetmə sistemlərinin tətbiqinə nail olunmasını, məlumatların yenilənməsinin və qorunmasının təmin olunmasının həyata keçirilməsini təşkil edir;
- sistem təminatının müasir tələblərə uyğun səviyyədə saxlanılması, müasir əməliyyat sistemlərinə olan tələbatın öyrənilməsi və sistem təminatının əldə edilərək tətbiqinin təşkili sahəsində fəaliyyət göstərir;
- kompüterlərin iş rejiminin yüksək səviyyədə saxlanılmasını təşkil edir;
- Dövlətstatkomun veb səhifəsini inkişaf etdirir və müvafiq normativ-hüquqi aktlardan irəli gələn vəzifələri yerinə yetirir, informasiya açıqlığını təmin edir.
un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim