AZ    EN
logo
2020-ci ilin yanvar ayında ölkədə istehsal olunmuş ümumi daxili məhsulun həcmi 6520,2 milyon manat təşkil etmişdir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci ilin yanvar ayında Azərbaycana 226,2 min əcnəbi və vətəndaşlığı olmayan şəxs gəlmişdir. 2020-ci ilin yanvar ayında əsas kapitala 996,7 milyon manat vəsait yönəldilmişdir. 2020-ci ilin yanvar ayında istehlak qiymətləri indeksi 2019-cu ilin yanvar ayına nisbətən 102,7 faiz təşkil etmişdir. 2020-ci ilin yanvar ayında 4,2 milyard manatlıq sənaye məhsulu istehsal edilmişdir. 2020-ci ilin yanvar ayında pərakəndə ticarət şəbəkəsində satılmış məhsulların 3,1 milyard manata bərabər olmuşdur. 2019-cu ildə Azərbaycan Respublikasının hüquqi və fiziki şəxsləri dünyanın 195 ölkəsindəki tərəfdaşları ilə ticarət əməliyyatları həyata keçirmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır. Cari il dekabr ayının 24-ü vəziyyətinə 1019200,2 hektar sahədə dən və yaşıl yem üçün payızlıq bitkilər səpilmişdir. 2019-cu ilin yanvar-sentyabr aylarında ölkənin avtomobil yollarında 1274 yol-nəqliyyat hadisəsi baş vermişdir. 2019-cu ilin yanvar-sentyabr aylarında muzdla işləyənlərin orta aylıq nominal əməkhaqqı 603,5 manat təşkil etmişdir. 2019-cu il oktyabrın 1-i vəziyyətinə ölkə iqtisadiyyatında muzdla çalışan işçilərin sayı 1639,1 min nəfər olmuşdur. 2019-cu ilin yanvar-sentyabr aylarında ölkə üzrə mehmanxanalarda 2666,7 min gecələmə keçirilmişdir.

Quliyev Fərid Yusif oğlu – Beynəlxalq əlaqələr şöbəsi

Şöbə müdiri
Telefon: 539-80-50
E-poçt: farid.guliyev@stat.gov.az
1982-ci il sentyabr ayının 19-u Bakı şəhərində anadan olmuşdur. 2003-cü ildə Bakı Dövlət Universitetinin Beynəlxalq münasibətlər və beynəlxalq hüquq fakültəsinin beynəlxalq münasibətlər ixtisası üzrə bakalavr, 2005-ci ildə isə həmin fakültənin magistr pilləsini, 2013-cü ildə Koreya İnkişaf İnstitutunun İnkişaf siyasəti üzrə magistr pilləsini bitirmişdir. Tarix üzrə fəlsəfə doktorudur.
Əmək fəaliyyətinə 2006-cı ildən başlamış, 2006-2011-ci illərdə Azərbaycan Respublikasının Diasporla İş üzrə Dövlət Komitəsində sədrin köməkçisi, Amerika və Qərbi Avropa Ərazi Şöbəsində məsləhətçi, Gənclərlə iş şöbəsində aparıcı məsləhətçi vəzifələrində çalışmışdır. 2011-2013-cü illərdə Azərbaycan Respublikasının Sənaye və Energetika Nazirliyində Yanacaq və enerji resursları şöbəsində məsləhətçi, 2013-2014-cü illərdə Azərbaycan Respublikası Hesablama Palatasının Beynəlxalq əlaqələr şöbəsində baş məsləhətçi, 2014-2015-ci illərdə “İlçin İ” şirkətində direktor müavini vəzifələrində işləmişdir.
2016-cı ilin yanvar ayından Azərbaycan Respublikası Dövlət Statistika Komitəsinin Beynəlxalq əlaqələr şöbəsinin müdiridir. 1-ci dərəcə dövlət qulluqçusudur.
Evlidir, iki övladı var.
Şöbənin fəaliyyət istiqaməti:
- Müvafiq qanunvericiliklə müəyyən edilmiş qaydada, Komitənin xarici dövlətlərdə uyğun funksiyaları həyata keçirən orqanlarla və onları birləşdirən beynəlxalq qurumlar, digər beynəlxalq təşkilatlar ilə əlaqələrin qurulmasını və onlarla əməkdaşlığı təmin etmək;
- Statistika sahəsində əməkdaşlığa dair beynəlxalq müqavilələrin hazırlanmasında iştirak etmək, Komitənin səlahiyyətlərinə aid olan məsələlərə dair Azərbaycan Respublikasının tərəfdar çıxdığı beynəlxalq müqavilələr üzrə götürdüyü öhdəliklərin yerinə yetirilməsini təmin etmək və bu sahədə görülən işləri əlaqələndirmək;
- Qanunvericiliklə nəzərdə tutulmuş qaydada və beynəlxalq hüquq normalarına uyğun olaraq, verilmiş səlahiyyətlər çərçivəsində digər dövlətlərin statistika xidmətləri və beynəlxalq statistika təşkilatları ilə statistika sahəsində əməkdaşlığı həyata keçirmək;
- Azərbaycan Respublikasının qanunvericiliyi və Komitənin rəhbərliyi tərəfindən həvalə olunmuş digər istiqamətlərdə fəaliyyəti yerinə yetirmək.
un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim