AZ    EN
logo
2021-ci ilin yanvar-aprel aylarında orta aylıq nominal əməkhaqqı 722,3 manat olmuşdur. 2021-ci ilin yanvar-may aylarında 0,8 faiz çox ümumi daxili məhsul istehsal olunmuşdur. 2021-ci ilin yanvar-may aylarında pərakəndə ticarət dövriyyəsi real ifadədə 0,3 faiz artmışdır. 2021-ci ilin yanvar-may aylarında istehlak qiymətləri indeksi 104,2 faiz təşkil etmişdir. 2021-ci ilin yanvar-may aylarında 18,8 milyard manatlıq sənaye məhsulu istehsal edilmişdir. 2021-ci ilin yanvar-aprel aylarında əsas kapitala 3752,8 milyon manat məbləğində vəsait yönəldilmişdir. 2021-ci ilin yanvar-mart aylarında ölkə iqtisadiyyatında muzdla çalışan işçilərin orta aylıq nominal əməkhaqqı 713,2 manat olmuşdur. 2021-ci ilin yanvar-mart aylarında ölkənin xarici ticarət dövriyyəsi 7036,8 milyon ABŞ dolları təşkil etmişdir. 2021-ci ilin yanvar-mart aylarında ölkə mehmanxanalarında keçirilmiş gecələmələrin sayı 299,5 min olmuşdur. 2021-ci ilin yanvar-mart aylarında istehlakçılara 9,5 milyard manatlıq məhsul satılmışdır. 2021-ci il mart ayının 1-nə əhalinin sayı 10127127 nəfər olmuşdur. 2021-ci ilin yanvar-fevral aylarında Azərbaycana dünyanın 123 ölkəsindən 72,1 min əcnəbi və vətəndaşlığı olmayan şəxs gəlmişdir. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir.

Xarici ticarət əlaqələri haqqında

14.04.2021, 12:00

2021-ci ilin yanvar-fevral aylarında Azərbaycan Respublikasının hüquqi və fiziki şəxsləri dünyanın 142 ölkəsindəki tərəfdaşları ilə ticarət əməliyyatları həyata keçirmiş, 79 ölkəyə məhsul ixrac olunmuş, 133 ölkədən idxal olunmuşdur.

Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2021-ci ilin yanvar-fevral aylarında ölkənin xarici ticarət dövriyyəsi 4515,0 milyon ABŞ dolları təşkil etmişdir. Ticarət dövriyyəsinin 2903,0 milyon dollarını və ya 64,3 faizini ölkədən ixrac olunmuş məhsulların, 1612,0 milyon dollarını (35,7 faizini) isə idxal məhsullarının dəyəri təşkil etmiş, nəticədə 1291,0 milyon dollar məbləğində müsbət saldo yaranmışdır. 2020-ci ilin yanvar-fevral ayları ilə müqayisədə xarici ticarət dövriyyəsi faktiki qiymətlərlə 7,5 faiz, real ifadədə 17,1 faiz, o cümlədən idxal 28,3 faiz, ixrac isə 10,6 faiz azalmışdır.

2021-ci ilin yanvar-fevral aylarında qeyri neft-qaz məhsullarının ixracı əvvəlki ilin eyni dövrü ilə müqayisədə faktiki qiymətlərlə 12,1 faiz artmış, real ifadədə isə 3,2 faiz azalaraq 331,3 milyon dollar təşkil etmişdir.

Dövlət Gömrük Komitəsinin məlumatlarına əsasən ixracın 37,6 faizini İtaliyaya, 10,9 faizini Türkiyəyə, hər biri 7,8 faiz olmaqla Hindistan və Gürcüstana, 6,3 faizini İspaniyaya, 4,4 faizini Portuqaliyaya, 4,2 faizini Ukraynaya, 4,1 faizini Çinə, 3,2 faizini Rusiyaya, 2,2 faizini Xorvatiyaya, 1,6 faizini Birləşmiş Krallığa, 1,5 faizini Almaniyaya, hər biri 1,4 faiz olmaqla İsrail və Belarusa, 1,3 faizini İsveçrəyə, 4,3 faizini isə digər ölkələrə göndərilmiş məhsulların dəyəri təşkil etmişdir.

Qeyri neft-qaz məhsulları üzrə ixracın dəyərində Türkiyəyə (32,3 faiz), Rusiyaya (25,8 faiz), İsveçrəyə (10,6 faiz), Gürcüstana (8,6 faiz), ABŞ-a (4,0 faiz), Çinə (2,9 faiz), Ukraynaya (1,7 faiz), Almaniyaya (1,5 faiz), Türkmənistana (1,3 faiz), İtaliyaya (1,2 faiz), İrana (1,1 faiz), Birləşmiş Krallığa (1,0 faiz) göndərilmiş malların payı üstünlük təşkil etmişdir.

Ölkəyə idxal olunmuş məhsulların ümumi dəyərinin 15,1 faizi Rusiya, 14,8 faizi Türkiyə, 12,6 faizi Çin, 8,8 faizi Almaniya, 5,2 faizi ABŞ, 3,9 faizi İran, hər biri 3,8 faiz olmaqla Birləşmiş Krallıq və Ukrayna, 3,1 faizi İtaliya, 2,0 faizi Norveç, 1,9 faizi Koreya, 1,6 faizi Avstraliya, 1,5 faizi Polşa, hər biri 1,4 faiz olmaqla Hindistan və Yaponiya, 19,1 faizi isə digər ölkələr ilə aparılmış idxal əməliyyatlarının payına düşmüşdür.

2021-ci ilin yanvar-fevral aylarında əvvəlki ilin eyni dövrü ilə müqayisədə mühüm məhsul növlərindən təzə meyvə ixracı 25,4 faiz, şəkər – 1,9 dəfə, meyvə və tərəvəz şirələri – 33,9 faiz, təbii üzüm şərabları və üzüm suslosu – 1,9 dəfə, kartof – 1,7 dəfə, pambıq lifi – 26,2 faiz, pambıq ipliyi – 4,7 faiz, polietilen – 27,1 faiz, bentonit gili – 23,7 faiz artmış, təzə tərəvəz ixracı isə 27,6 faiz, bitki yağları – 26,3 faiz, çay – 12,7 faiz, meyvə və tərəvəz konservləri – 15,3 faiz, marqarin, qida üçün yararlı digər qarışıqlar – 31,1 faiz, tütün – 70,4 faiz, emal olunmamış alüminium – 30,4 faiz, qara metallardan borular – 30,1 faiz azalmışdır.

2020-ci ilin yanvar-fevral ayları ilə müqayisədə 2021-ci ilin yanvar-fevral aylarında xam şəkər və şəkər idxalı 2,5 dəfə, təzə tərəvəz – 3,2 dəfə, siqaretlər – 45,6 faiz, dərman vasitələri – 1,8 dəfə, rezin şinlər – 12,1 faiz, mineral gübrələr – 2,0 dəfə, yük avtomobilləri – 12,8 faiz, məişət kondisionerləri – 8,0 faiz, məişət soyuducuları – 20,7 faiz artmış, təzə meyvə idxalı isə 0,3 faiz, bitki yağları – 33,7 faiz, kartof – 4,0 faiz, kərə yağı, digər süd yağları və pastaları – 11,2 faiz, çay – 17,6 faiz, buğda – 77,3 faiz, mal əti – 18,8 faiz, quş əti və onun əlavə məhsulları – 25,9 faiz, minik avtomobilləri – 19,6 faiz, qara metallardan borular – 42,5 faiz, polad prokatı – 56,9 faiz, hesablama maşınları, blok və qurğuları – 10,8 faiz, qara metallardan çubuqlar – 37,6 faiz, mebellər – 28,4 faiz, polietilen – 28,1 faiz, paltaryuyan maşınlar – 8,8 faiz, avtobuslar – 40,6 faiz, qara metallardan künclüklər – 31,8 faiz, sement və sement klinkerləri – 19,9 faiz azalmışdır.

Əlaqə telefonu: 377 10 70 (22-60)

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim