AZ    EN
logo
2021-ci ilin yanvar ayında əsas kapitala 724,0 milyon manat məbləğində vəsait yönəldilmişdir. 2020-ci ildə ölkənin xarici ticarət dövriyyəsi 24201,1 milyon ABŞ dolları təşkil etmişdir. 2020-ci ilin yanvar ayı ilə müqayisədə pərakəndə ticarət dövriyyəsi real ifadədə 1,4 faiz azalmışdır. 2020-ci ildə mehmanxanaların gəlirləri 116,8 milyon manat olmuşdur 2020-ci ilin yanvar-noyabr aylarında Azərbaycan Respublikasının hüquqi və fiziki şəxsləri dünyanın 183 ölkəsindəki tərəfdaşları ilə ticarət əməliyyatları həyata keçirmiş, 108 ölkəyə məhsul ixrac olunmuş, 175 ölkədən idxal olunmuşdur. 2020-ci ildə ölkədə 72432,2 milyon manatlıq ümumi daxili məhsul istehsal olunmuşdur. 2020-ci ildə Azərbaycana dünyanın 155 ölkəsindən 795,7 min əcnəbi və vətəndaşlığı olmayan şəxs gəlmişdir. 2020-ci ilin yanvar-noyabr aylarında ölkə iqtisadiyyatında muzdla çalışan işçilərin orta aylıq nominal əməkhaqqı 703,5 manat olmuşdur. 2020-ci ilin yanvar-noyabr aylarında 33,7 milyard manatlıq sənaye məhsulu istehsal edilmişdir. 2020-ci ilin yanvar-noyabr aylarında istehlak qiymətləri indeksi 102,8 faiz təşkil etmişdir. 2020-ci ilin yanvar-sentyabr aylarında ölkədə 1145 yol-nəqliyyat hadisəsi baş vermişdir. 2020-ci ilin yanvar-sentyabr aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 29865,6 min ton olmuşdur. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir.
image

Dövlət Statistika Komitəsi yanında Statistika Şurasının növbəti iclası keçirilib

27.11.2020, 16:30

Noyabrın 27-də Azərbaycan Respublikasının Dövlət Statistika Komitəsi yanında Statistika Şurasının videokonfrans formatında növbəti iclası keçirilib.

Tədbirin başlamasından öncə 44 günlük Vətən müharibəsində, eyni zamanda ölkəmizin ərazi bütövlüyünün təmin olunmasında şəhid olmuş oğul və qızlarımızın əziz xatirəsi bir dəqiqəlik sükutla yad edilib.

Videokonfransda çıxış edən Dövlət Statistika Komitəsinin sədri Tahir Budaqov Şura üzvlərini salamlayaraq, Azərbaycan Respublikasının Prezidenti, Ali Baş Komandanımız cənab İlham Əliyevin dəmir iradəsi, sarsılmaz qətiyyəti və möhtəşəm rəhbərliyi sayəsində Vətən müharibəsində qazanılmış şanlı qələbə münasibətilə təbriklərini çatdırıb. Sonra iclasın gündəliyində duran məsələlər barədə məlumat verən Tahir Budaqov onu qeyd edib ki, ölkədə rəsmi statistikanın beynəlxalq standartlara uyğun inkişaf etdirilməsi, strateji yol xəritələrində qarşıya qoyulmuş hədəf və prioritetlərə çatma vəziyyətinin qiymətləndirilməsi üçün informasiya təminatının təkmilləşdirilməsi, inzibati məlumat mənbələrindən istifadənin genişləndirilməsi və milli statistika sistemində aparılan islahatların daha da sürətləndirilməsi məqsədi ilə mühüm tədbirlər uğurla icra edilməkdədir.

Sonra Dövlət Statistika Komitəsinin beynəlxalq əməkdaşlıq sahəsində fəaliyyəti, Keyfiyyəti idarəetmə sisteminin tətbiqi ilə bağlı görülmüş işlərlə bağlı məruzələr dinlənilib, Milli “Sənaye məhsullarının statistik təsnifatı”nın və 2021-ci il üçün statistik işlər proqramının layihələri Şura üzvlərinin müzakirəsinə təqdim olunub.

Qeyd edilib ki, Dövlət Statistika Komitəsinin fəaliyyətinin İSO 9001:2015 Keyfiyyəti İdarəetmə Sistemi beynəlxalq standartının tələblərinə uyğunluğunun yoxlanılması məqsədilə İsveçrənin “SGS” şirkətinin audit qrupu tərəfindən cari ilin mart ayında aparılmış sertifikatlaşdırmanın nəticələrinə əsasən həm Komitənin aparatı, həm də KİS-in tətbiq edildiyi daha 17 yerli statistika orqanı “Rəsmi statistika məlumatlarının istehsalı və yayılması” sahəsində beynəlxalq uyğunluq sertifikatına layiq görülüb. Bununla da beynəlxalq uyğunluq sertifikatına layiq görülmüş yerli statistika orqanlarının sayı 30-a çatdırılıb.

Müzakirələrlə davam edən şura iclasında mövzu ilə bağlı təkliflər səsləndiririlib, müvafiq qərarlar qəbul olunub.                      

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim