AZ    EN
logo
2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 12526,0 min ton olmuşdur 2020-ci ilin yanvar-mart aylarında orta aylıq nominal əməkhaqqı 744,5 manat olmuşdur 2020-ci ilin yanvar-aprel aylarında pərakəndə ticarət şəbəkəsində əhaliyə 11516,1 milyon manatlıq məhsul satılmışdır. 2020-ci ilin yanvar-mart aylarında ölkənin xarici ticarət dövriyyəsi 6695,3 milyon ABŞ dolları təşkil etmişdir. 2020-ci ilin yanvar-aprel aylarında istehlak qiymətləri indeksi 103,0 faiz təşkil etmişdir. 2020-ci ilin yanvar-aprel aylarında ölkədə istehsal olunmuş ümumi daxili məhsulun həcmi 0,2 faiz artmışdır 2020-ci ilin yanvar-aprel aylarında əsas kapitala 0,5 faiz az vəsait yönəldilmişdir. 2020-ci ilin yanvar-aprel aylarında sənayenin qeyri neft-qaz sektorunda məhsul istehsalı 16,8 faiz artmışdır. 2020-ci ilin yanvar-mart aylarında Azərbaycana 519,3 min əcnəbi və vətəndaşlığı olmayan şəxs gəlmişdir. 2020-ci ilin yanvar-mart aylarında pərakəndə ticarət şəbəkəsində əhaliyə 9,2 milyard manatlıq mal satılmışdır. 2020-ci il martın 1-i vəziyyətinə muzdla çalışan işçilərin sayı 1641,5 min nəfər olmuşdur 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2020-ci ilin yanvar-fevral aylarında 7,7 milyard manatlıq sənaye məhsulu istehsal edilmişdir. 2020-ci ilin yanvar ayında ölkənin xarici ticarət dövriyyəsi 2372,3 milyon ABŞ dolları təşkil etmişdir. 2020-ci ilin yanvar ayında orta aylıq nominal əməkhaqqı 712,1 manat olmuşdur 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.
image

“İqtisadi və statistik tədqiqatlarda innovasiyaların tətbiqi” mövzusunda elmi-praktiki konfrans keçirilib

22.11.2019, 15:21

Noyabr ayının 22-də Azərbaycan Respublikası Dövlət Statistika Komitəsinin Elmi-Tədqiqat və Statistik İnnovasiyalar Mərkəzinin (ETSİM) təşkilatçılığı ilə “İqtisadi və statistik tədqiqatlarda innovasiyaların tətbiqi” mövzusunda elmi-praktiki konfrans keçirilib.

Konfransda iqtisadi tədqiqatlarda innovasiyalar, statistik istehsal proseslərində innovasiyaların tətbiqi, sosial-iqtisadi proseslərin modelləşdirilməsi, rəqəmsal iqtisadiyyatda keçid perspektivləri ilə bağlı məsələlər müzakirə olunub.   

Tədbirdə çıxış edən Dövlət Statistika Komitəsi sədrinin müavini Yusif Yusifov qeyd edib ki, Komitə rəsmi statistika məlumatlarının müasir tələblərə uyğun hazırlanmasına, ölkədə statistika sisteminin təkmilləşdirilməsi və inkişafına, həmçinin statistik məlumatlara olan inamın artırılmasına nail olmaq üçün rəsmi statistika məlumatlarının istehsalı və yayılması sahəsində innovasiyaların tətbiqinə xüsusi önəm verir. Statistika sistemində son illər həyata keçirilmiş struktur və institusional islahatlar, irihəcmli məlumatlardan (big data) istifadə, rəsmi statistika hesabatlarının elektron formada qəbulu, statistik məlumatların yayım sisteminin təkmilləşdirilməsi, respondentlərə düşən yükün azaldılması, statistik proseslərin standartlaşdırılması, beynəlxalq təsnifatların Azərbaycanda tətbiqi, statistik təsnifatlara dair metaməlumatların hazırlanması, keyfiyyətə nəzarət cədvəlləri, Dayanıqlı İnkişaf Məqsədlərinə dair yeni məlumatların hazırlanması, “Statistika xəbərləri” elmi-praktik jurnalının təsis edilməsi, bilik, innovasiyalar və yeni texnologiyalar (o cümlədən rəqəmsal texnologiyalar) üzrə əsaslı layihələr barədə tədbir iştirakçılarına məlumat verib.

Plenar sessiyada Elmi-Tədqiqat və Statistik İnnovasiyalar Mərkəzinin direktoru Mübariz Nuriyev Mərkəzin fəaliyyəti, konfransın keçirilməsinin ölkə iqtisadiyyatı üçün əhəmiyyəti, Azərbaycan Milli Elmlər Akademiyasının Torpaqşünaslıq və Aqrokimya İnstitutu direktoru, AMEA-nın müxbir üzvü Əlövsət Quliyev “Aqrar sahənin inkişafının iqtisadiyyata təsiri”,  Azərbaycan Texniki Universiteti rektorunun dayanıqlı inkişaf, innovasiyalar və layihələr üzrə müşaviri Rasim Səfərov yeni inkişaf mərhələsində süni intellektin dayanıqlı iqtisadi artıma nail olunmasında rolu mövzularında məruzə ilə çıxışlar ediblər.

Konfransda daha sonra iqtisadi tədqiqatlarda innovasiyalar, statistik istehsal proseslərində innovasiyaların tətbiqi, sosial-iqtisadi proseslərin modelləşdirilməsi, rəqəmsal iqtisadiyyatda keçid perspektivləri ilə bağlı elmi məqalələr üzrə məruzələr dinlənilib, müzakirələr aparılıb. Tədbirdə paytaxt Bakı ilə yanaşı, Azərbaycanın müxtəlif bölgələrini əhatə edən ali təhsil ocaqlarının və elmi müəssisələrin nümayəndələri iştirak edib.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim