AZ    EN
logo
2021-ci ilin yanvar-aprel aylarında orta aylıq nominal əməkhaqqı 722,3 manat olmuşdur. 2021-ci ilin yanvar-may aylarında 0,8 faiz çox ümumi daxili məhsul istehsal olunmuşdur. 2021-ci ilin yanvar-may aylarında pərakəndə ticarət dövriyyəsi real ifadədə 0,3 faiz artmışdır. 2021-ci ilin yanvar-may aylarında istehlak qiymətləri indeksi 104,2 faiz təşkil etmişdir. 2021-ci ilin yanvar-may aylarında 18,8 milyard manatlıq sənaye məhsulu istehsal edilmişdir. 2021-ci ilin yanvar-aprel aylarında əsas kapitala 3752,8 milyon manat məbləğində vəsait yönəldilmişdir. 2021-ci ilin yanvar-mart aylarında ölkə iqtisadiyyatında muzdla çalışan işçilərin orta aylıq nominal əməkhaqqı 713,2 manat olmuşdur. 2021-ci ilin yanvar-mart aylarında ölkənin xarici ticarət dövriyyəsi 7036,8 milyon ABŞ dolları təşkil etmişdir. 2021-ci ilin yanvar-mart aylarında ölkə mehmanxanalarında keçirilmiş gecələmələrin sayı 299,5 min olmuşdur. 2021-ci ilin yanvar-mart aylarında istehlakçılara 9,5 milyard manatlıq məhsul satılmışdır. 2021-ci il mart ayının 1-nə əhalinin sayı 10127127 nəfər olmuşdur. 2021-ci ilin yanvar-fevral aylarında Azərbaycana dünyanın 123 ölkəsindən 72,1 min əcnəbi və vətəndaşlığı olmayan şəxs gəlmişdir. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir.
image

Cenevrədə ekologiya statistikasına dair beynəlxalq tədbir keçirilir

29.10.2019, 10:25

28-29 oktyabr 2019-cu il tarixlərində İsveçrənin Cenevrə şəhərində BMT-nin Avropa İqtisadi Komissiyasının “Ekologiya statistikası və göstəriciləri” üzrə məqsədli işçi qrupunun 16-cı sessiyası keçirilir. Tədbirdə Azərbaycan Respublikası Dövlət Statistika Komitəsinin Energetika və ətraf mühit statistikası şöbəsinin müdiri Rəna Lazımova iştirak edir.

Sessiyada təşkilati məsələlərə baxılacaq, işçi qrupunun sədri və sədrin müavinləri seçiləcək. Həmçinin, Ekoloji-İqtisadi Uçot Sisteminin tətbiqi üzrə beynəlxalq səviyyədə aparılmış işlərin yekunları, Şərqi Avropa, Qafqaz və Mərkəzi Asiya (ŞAQMA) ölkələrində ətraf mühitə dair statistik məlumatların mütəmadi istehsalı və mübadiləsi üçün potensialın möhkəmləndirilməsi, BMT-nin Avropa İqtisadi Komissiyasının “ŞAQMA ölkələrində ekoloji göstəricilərin istifadəsinə dair Tövsiyələr”in əməli tətbiqi və ekoloji göstəricilərin metaməlumatlarının yeni strukturu ilə bağlı məsələlər müzakirə olunacaq.

Sessiyada  R.Lazımova təqdimatla çıxış etmiş və Dövlət  Statistika  Komitəsi tərəfindən hazırlanmış  “Azərbaycan Respublikasının ekoloji göstəricilər kataloqu” haqqında məlumat vermiş, sənədin ekoloji siyasətin formalaşdırılması və reallaşdırılması, ətraf mühitin vəziyyətinə dair hesabatın hazırlamasındakı əhəmiyyətindən danışmışdır.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim