AZ    EN
logo
2019-cu ilin yanvar-iyul aylarında ölkənin xarici ticarət dövriyyəsi 19932,8 milyon ABŞ dolları təşkil etmişdir. 2019-cu ilin yanvar-avqust aylarında əvvəlki ilin eyni dövrü ilə müqayisədə 2,4 faiz çox ümumi daxili məhsul istehsal edilmişdir. 2019-cu ilin yanvar-avqust aylarında pərakəndə ticarət şəbəkəsində satılmış məhsulların dəyəri 24,2 milyard manata bərabər olmuşdur. 2019-cu ilin yanvar-avqust aylarında sənayenin qeyri neft-qaz sektorunda məhsul istehsalı 15,2 faiz artmışdır. 2019-cu ilin yanvar-avqust aylarında əsas kapitala 8627,2 milyon manat vəsait yönəldilmişdir. 2019-cu ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 587,7 manat olmuşdur. 2019-cu ilin yanvar-avqust aylarında istehlak məhsullarının və xidmətlərin qiymətləri 2,6 faiz bahalaşmışdır. Ölkə əhalisinin sayı 2019-cu il iyul ayının 1-i vəziyyətinə 10019575 nəfərə çatmışdır. 2019-cu ilin yanvar-iyul aylarında istehlak məhsullarının və xidmətlərin qiymətləri 2,7 faiz bahalaşmışdır. 2019-cu ilin yanvar-iyun aylarında orta aylıq nominal əməkhaqqı 585,2 manat olmuşdur. 2019-cu ilin yanvar-iyun aylarında ölkənin avtomobil yollarında 2018-ci ilin müvafiq dövrü ilə müqayisədə 2,0 faiz çox yol-nəqliyyat hadisəsi baş vermişdir. 2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25141,6 min ton, yük dövriyyəsi isə 5301,0 milyon ton-km olmuşdur. 2019-cu il avqust ayının 5-nə olan məlumata əsasən respublikanın 22 rayonunda və Naxçıvan Muxtar Respublikasında dənlilərin və dənli paxlalı (qarğıdalısız) bitkilərin biçini tam başa çatmışdır. 2019-cu ilin yanvar-iyun aylarında Azərbaycana 1410,7 min əcnəbi və vətəndaşlığı olmayan şəxs gəlmişdir.
image

Dövlət Statistika Komitəsinin nümayəndə heyəti Tbilisidə təşkil edilən konfransda təmsil olunur

25.07.2019, 14:30

25-26 iyul 2019-cu il tarixlərində Azərbaycan Respublikası Dövlət Statistika Komitəsinin nümayəndələri Gürcüstan Milli Statistika İdarəsi və BMT-nin Gender Bərabərliyi və Qadınların Səlahiyyətlərinin Artırılması Qurumunun birgə əməkdaşlığı ilə Tbilisi şəhərində təşkil edilmiş Gürcüstan statistikasının yaradılmasının 100-cü ildönümünə və gender statistikası üzrə məlumatların toplanılmasının 20-ci ilinə həsr olunmuş “Gender statistikası: problemlər və imkanlar” üzrə beynəlxalq konfransda iştirak edirlər.

Tədbirin məqsədi Dayanıqlı İnkişaf Məqsədləri göstəricilərinin gender bölgüsündə işlənilməsi, gender məlumatları üzrə boşluqların aradan qaldırılması, keyfiyyətli və müqayisəli məlumatların əldə edilməsinin təmin edilməsi, gender üzrə rəsmi statistika məlumatlarının yayılması və əlaqələndirilməsinin təkmilləşdirilməsi üçün əlverişli şəraitin yaradılmasında ən qabaqcıl təcrübələrlə tanış olmaq və müzakirələr aparmaqdan ibarətdir.

Konfransda iştirakçı ölkələrin nümayəndələri tərəfindən bir sıra mövzularda məruzələr təqdim edilib. Eyni zamanda, Azərbaycan Respublikası Dövlət Statistika Komitəsinın nümayəndə heyətinin rəhbəri Dövlət Statistika Komitəsi sədrinin müavini Rauf Səlimov tərəfindən “Azərbaycan Respublikasında gender statistikasına dair məlumatların istehsalı və yayımlanması” adlı təqdimatla ölkədə gender statistikasının təşkili, məlumat mənbələri, gender üzrə rəsmi statistika məlumatlarının yayılması və əlaqələndirilməsi, istifadəçi məmnunluğu, eləcə də Dayanıqlı İnkişaf Məqsədləri göstəricilərinin gender bölgüsündə işlənilməsinin ölkə üçün prioritet məsələ olduğu barədə geniş məlumat verilib.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim