AZ    EN
logo
2020-ci ilin yanvar-iyun aylarında istehlak qiymətləri indeksi 103,0 faiz təşkil etmişdir. 2020-ci ilin yanvar-may aylarında ölkənin xarici ticarət dövriyyəsi 9852,5 milyon ABŞ dolları təşkil etmişdir. 2019-cu ilin müvafiq dövrü ilə müqayisədə cari ilin birinci yarısında pərakəndə ticarət dövriyyəsi real ifadədə 1,9 faiz azalmışdır. 2020-ci ilin yanvar-iyun aylarında ölkədə 2,7 faiz az ümumi daxili məhsul istehsal olunmuşdur. 2020-ci ilin yanvar-iyun aylarında əsas kapitala 2,7 faiz az vəsait yönəldilmişdir. 2020-ci ilin yanvar-iyun aylarında sənayenin qeyri neft-qaz sektorunda məhsul istehsalı 11,2 faiz artmışdır. 2020-ci ilin yanvar-iyun aylarında Azərbaycana dünyanın 152 ölkəsindən 590,1 min əcnəbi və vətəndaşlığı olmayan şəxs gəlmişdir. 2020-ci ilin yanvar-may aylarında orta aylıq nominal əməkhaqqı 728,9 manat olmuşdur. 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. 2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 12526,0 min ton olmuşdur 2020-ci il martın 1-i vəziyyətinə muzdla çalışan işçilərin sayı 1641,5 min nəfər olmuşdur 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.

Xarici ticarət əlaqələri haqqında

18.06.2019, 11:38

2019-cu ilin yanvar-aprel aylarında Azərbaycan Respublikasının hüquqi və fiziki şəxsləri dünyanın 161 ölkəsindəki tərəfdaşları ilə ticarət əməliyyatları həyata keçirmiş, 97 ölkəyə məhsul ixrac olunmuş, 151 ölkədən idxal olunmuşdur.

Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2019-cu ilin yanvar-aprel aylarında ölkənin xarici ticarət dövriyyəsi 10965,2 milyon ABŞ dolları, o cümlədən ixracın dəyəri 6415,8 milyon dollar, idxalın dəyəri 4549,4 milyon dollar təşkil etmiş, nəticədə 1866,4 milyon dollarlıq müsbət ticarət saldosu yaranmışdır. 2018-ci ilin yanvar-aprel ayları ilə müqayisədə xarici ticarət dövriyyəsi faktiki qiymətlərlə 17,7 faiz, o cümlədən idxal 50,3 faiz, ixrac 1,9 faiz artmışdır. Real ifadədə isə dövriyyə 7,3 faiz, o cümlədən idxal 19,5 faiz, ixrac 1,4 faiz artmışdır.

Dövlət Gömrük Komitəsinin məlumatlarına əsasən ixracın 29,8 faizini İtaliyaya, 10,7 faizini Türkiyəyə, 7,8 faizini Çinə, 6,3 faizini İsrailə, 5,3 faizini Almaniyaya, 5,1 faizini İspaniyaya, 4,7 faizini Hindistana, 3,6 faizini Fransaya, 3,3 faizini Çexiyaya, 3,1 faizini Gürcüstana, 3,0 faizini Portuqaliyaya, 2,5 faizini Rusiyaya, 14,8 faizini isə digər ölkələrə göndərilmiş məhsulların dəyəri təşkil etmişdir.

Ölkəmizə idxal olunmuş məhsulların ümumi dəyərinin 16,2 faizi İsveçrə, 14,5 faizi Rusiya, 9,7 faizi Türkiyə, 8,3 faizi Çin, 5,3 faizi İran, 4,6 faizi Almaniya, 4,2 faizi ABŞ, 3,1 faizi Ukrayna, hər biri 2,8 faiz olmaqla İtaliya və Kanada, 2,7 faizi Avstraliya, 2,3 faizi Qazaxıstan, 23,5 faizi isə digər ölkələr ilə aparılmış idxal əməliyyatlarının payına düşmüşdür.

2019-cu ilin yanvar-aprel aylarında ölkədən 582,7 milyon dollar dəyərində qeyri-neft məhsulları ixrac edilmişdir ki, bu da 2018-ci ilin yanvar-aprel aylarına nisbətən faktiki qiymətlərlə 20,1 faiz, real ifadədə isə 14,4 faiz çoxdur. Qeyri-neft məhsulları üzrə ixracın dəyərində Rusiyaya (28,3 faiz), Türkiyəyə (25,4 faiz), Gürcüstana (10,7 faiz), İsveçrəyə (7,7 faiz), İtaliyaya (3,8 faiz), Yunanıstana (2,6 faiz), Ukraynaya (2,3 faiz), Çinə (2,1 faiz), İrana (2,0 faiz) və Almaniyaya (1,7 faiz) göndərilmiş malların payı üstünlük təşkil etmişdir.

 2019-cu ilin yanvar-aprel aylarında 2018-ci ilin eyni dövrü ilə müqayisədə mühüm məhsul növlərindən təzə meyvə ixracı 32,7 faiz, təzə tərəvəz – 30,6 faiz, tütün – 2,0 dəfə, meyvə və tərəvəz şirələri – 38,6 faiz, meyvə və tərəvəz konservləri – 10,0 faiz, marqarin, qida üçün yararlı digər qarışıqlar – 4,0 faiz, pambıq lifi – 3,2 dəfə, pambıq ipliyi – 44,8 faiz, qara metallardan yarımfabrikatlar – 5,6 dəfə, bentonit gili – 31,0 faiz artmış, şəkər ixracı isə 18,4 faiz, çay – 12,1 faiz, kartof – 24,3 faiz, bitki yağları – 2,4 faiz, təbii üzüm şərabları və üzüm suslosu – 19,1 faiz, polietilen – 5,5 faiz, emal olunmamış alüminium – 7,5 faiz, qara metallardan borular – 77,9 faiz azalmışdır.

2018-ci ilin yanvar-aprel ayları ilə müqayisədə 2019-cu ilin yanvar-aprel aylarında buğda idxalı 27,5 faiz, təzə meyvə – 5,4 faiz, xam şəkər və şəkər – 5,1 dəfə, kartof – 15,8 faiz, çay – 5,9 faiz, quş əti və onun əlavə məhsulları – 41,3 faiz, mal əti – 9,9 faiz, təzə tərəvəz – 33,4 faiz, minik avtomobilləri – 2,2 dəfə, qara metallardan borular – 2,9 faiz, qara metallardan çubuqlar – 46,9 faiz, hesablama maşınları, blok və qurğuları – 47,8 faiz, mebellər – 20,7 faiz, polietilen – 26,0 faiz, yük avtomobilləri – 2,0 dəfə, məişət kondisionerləri – 2,0 dəfə, qara metallardan künclüklər – 18,9 faiz, avtobuslar – 2,3 dəfə artmış, bitki yağları idxalı isə 16,4 faiz, siqaret – 32,3 faiz, kərə yağı, digər süd yağları və pastaları – 4,8 faiz, polad prokatı – 10,3 faiz, mineral gübrələr – 12,5 faiz, rezin şinlər – 0,3 faiz, paltaryuyan maşınlar – 7,7 faiz, sement və sement klinkerləri – 30,0 faiz, məişət soyuducuları – 3,3 faiz azalmışdır.

Əlaqə telefonu: 538-77-25

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim