AZ    EN
logo
2020-ci il avqust ayının 10-na olan operativ məlumata əsasən payızlıq və yazlıq dənli və dənli paxlalı (qarğıdalısız) bitkilər üzrə biçilməsi nəzərdə tutulmuş 968,1 min hektar sahənin 944,4 min hektarı biçilərək məhsulu yığılmışdır. 2020-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir 2020-ci ilin yanvar-iyul aylarında pərakəndə ticarət şəbəkəsində istehlakçılara 21,4 milyard manatlıq məhsul satılmışdır 2020-ci ilin yanvar-iyul aylarında 21,6 milyard manatlıq sənaye məhsulu istehsal edilmişdir 2020-ci ilin yanvar-iyul aylarında əsas kapitala 7588,3 milyon manat məbləğində vəsait yönəldilmişdir. 2020-ci ilin yanvar-iyul aylarında istehlak qiymətləri indeksi 102,9 faiz təşkil etmişdir. 2020-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əmək haqqı 720,0 manat olmuşdur 2020-ci ilin yanvar-may aylarında ölkənin xarici ticarət dövriyyəsi 9852,5 milyon ABŞ dolları təşkil etmişdir. 2020-ci ilin yanvar-iyun aylarında ölkədə 2,7 faiz az ümumi daxili məhsul istehsal olunmuşdur. 2020-ci ilin yanvar-iyun aylarında Azərbaycana dünyanın 152 ölkəsindən 590,1 min əcnəbi və vətəndaşlığı olmayan şəxs gəlmişdir. 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. 2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 12526,0 min ton olmuşdur 2020-ci il martın 1-i vəziyyətinə muzdla çalışan işçilərin sayı 1641,5 min nəfər olmuşdur 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.
image

Azərbaycan və Koreya statistika qurumları arasında əməkdaşlıq genişləndirilir

08.05.2019, 15:19

Mayın 8-də Azərbaycan Respublikasının Dövlət Statistika Komitəsi və Koreya Statistika Komitəsi (KOSTAT) arasında əməkdaşlıq məsələlərinə həsr olunan geniş tərkibli görüş keçirilib.

Görüşdə “Azərbaycan Respublikasında Statistik Kadr Potensialının Gücləndirilməsi” layihəsinin hazırlıq məsələləri müzakirə olunub. Layihənin əsas məqsədi modul tipli milli təlim proqramlarının hazırlanması, müasir statistik təlim proqramlarının və innovativ texnologiyaların tətbiqi ilə sosial, iqtisadi statistika və ev təsərrüfatları arasında seçmə statistik müayinələrin aparılması sahəsində kadrların peşəkarlıq səviyyəsinin artırılması, kadr potensialının gücləndirilməsinə dəstək vermək üçün Dövlət Statistika Komitəsinin maddi texniki bazasının möhkəmləndirilməsi, Azərbaycanda həyata keçirilən islahatlara və bununla da ölkənin milli inkişaf məqsədlərinə nail olmasına töhfə verilməsi, Koreya Respublikası və Azərbaycan Respublikası arasındakı qarşılıqlı dostluq əlaqələrinin daha da genişləndirilməsidir.

Qonaqları salamlayan Dövlət Statistika Komitəsinin sədri Tahir Budaqov qeyd edib ki, ötən il “Azərbaycan Respublikasının Dövlət Statistika Komitəsi ilə Koreya Statistika Komitəsi arasında “Azərbaycan Respublikasında Statistik Potensialın Gücləndirilməsi” layihəsinin tətbiqinə dair Anlaşma Memorandumu” uğurla icra olunaraq başa çatdırılıb. Anlaşma Memorandumunda nəzərdə tutulmuş bütün fəaliyyətlər təmin edilib, eyni zamanda rəsmi statistika məlumatlarının yayımı sahəsində beynəlxalq səviyyədə tətbiq olunan standartlara uyğun üslubda, istifadəçi yönümlü “Azərbaycanın Statistik İnformasiya Xidməti – ASİS” statistik məlumatların yayım sistemi hazırlanaraq istifadəçilərin ixtiyarına verilib. Hazırda Koreya Statistika Komitəsi ilə birgə yeni - “Azərbaycan Respublikasında Statistik Kadr Potensialının Gücləndirilməsi” layihəsi üzrə hazırlıq tədbirlərinə başlanılıb.

 Koreyanın Azərbaycandakı fövqəladə və səlahiyyətli səfiri Kim Tong Op səmimi görüşə görə minnətdarlığını ifadə edib. Qeyd edib ki, Dövlət Statistika Komitəsi ilə ötən ilki əməkdaşlıq bu sahədə yeni perspektivlər yaradıb və statistika qurumlarının birgə səyi nəticəsində cari ildə də nəzərdə tutulan fəaliyyətlərin uğurla başa çatdırılacağına ümid edir. 

Sonra KOSTAT-ın təmsilçisi, layihənin icraçı direktoru Charlie Seo proqrama dair ümumi məlumat və fəaliyyətlərə həsr olunan təqdimatla çıxış edib. Bildirilib ki, layihənin icrası nəticəsində statistika sahəsində modul tipli milli təlim proqramları hazırlanacaq, təlimlər təşkil ediləcək, statistik təlimlərin keçirilməsi üçün zəruri avadanlıqlarla təchiz olunmuş təlim otağı yaradılacaq. 

Görüşdə tərəfləri maraqlandıran suallar cavablandırılıb, qarşlıqlı müzakirələr aparılıb.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim