logo
2019-cu ilin yanvar-iyul aylarında ölkənin xarici ticarət dövriyyəsi 19932,8 milyon ABŞ dolları təşkil etmişdir. 2019-cu ilin yanvar-avqust aylarında əvvəlki ilin eyni dövrü ilə müqayisədə 2,4 faiz çox ümumi daxili məhsul istehsal edilmişdir. 2019-cu ilin yanvar-avqust aylarında pərakəndə ticarət şəbəkəsində satılmış məhsulların dəyəri 24,2 milyard manata bərabər olmuşdur. 2019-cu ilin yanvar-avqust aylarında sənayenin qeyri neft-qaz sektorunda məhsul istehsalı 15,2 faiz artmışdır. 2019-cu ilin yanvar-avqust aylarında əsas kapitala 8627,2 milyon manat vəsait yönəldilmişdir. 2019-cu ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 587,7 manat olmuşdur. 2019-cu ilin yanvar-avqust aylarında istehlak məhsullarının və xidmətlərin qiymətləri 2,6 faiz bahalaşmışdır. Ölkə əhalisinin sayı 2019-cu il iyul ayının 1-i vəziyyətinə 10019575 nəfərə çatmışdır. 2019-cu ilin yanvar-iyul aylarında istehlak məhsullarının və xidmətlərin qiymətləri 2,7 faiz bahalaşmışdır. 2019-cu ilin yanvar-iyun aylarında orta aylıq nominal əməkhaqqı 585,2 manat olmuşdur. 2019-cu ilin yanvar-iyun aylarında ölkənin avtomobil yollarında 2018-ci ilin müvafiq dövrü ilə müqayisədə 2,0 faiz çox yol-nəqliyyat hadisəsi baş vermişdir. 2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25141,6 min ton, yük dövriyyəsi isə 5301,0 milyon ton-km olmuşdur. 2019-cu il avqust ayının 5-nə olan məlumata əsasən respublikanın 22 rayonunda və Naxçıvan Muxtar Respublikasında dənlilərin və dənli paxlalı (qarğıdalısız) bitkilərin biçini tam başa çatmışdır. 2019-cu ilin yanvar-iyun aylarında Azərbaycana 1410,7 min əcnəbi və vətəndaşlığı olmayan şəxs gəlmişdir.

Xarici ticarət əlaqələri haqqında

14.03.2019, 10:46

2019-cu ilin yanvar ayında Azərbaycan Respublikasının hüquqi və fiziki şəxsləri dünyanın 129 ölkəsindəki tərəfdaşları ilə ticarət əməliyyatları həyata keçirmiş, 69 ölkəyə məhsul ixrac olunmuş, 126 ölkədən idxal olunmuşdur.

Gömrük orqanlarında qeydiyyatı aparılmış, lakin gömrük rəsmiləşdirilməsi tam başa çatdırılmamış ixrac olunan xam neft və təbii qazın statistik qiymətləndirilmiş dəyəri nəzərə alınmaqla 2019-cu ilin yanvar ayında ölkənin xarici ticarət dövriyyəsi 2504,9 milyon ABŞ dolları, o cümlədən ixracın dəyəri 1482,2 milyon dollar, idxalın dəyəri 1022,7 milyon dollar təşkil etmiş, nəticədə 459,5 milyon dollarlıq müsbət ticarət saldosu yaranmışdır. 2018-ci ilin yanvar ayı ilə müqayisədə xarici ticarət dövriyyəsi faktiki qiymətlərlə 12,3 faiz, o cümlədən idxal 48,3 faiz artmış, ixrac isə 3,8 faiz azalmışdır. Real ifadədə dövriyyə 5,9 faiz, o cümlədən idxal 17,7 faiz, ixrac 0,7 faiz artmışdır.

Dövlət Gömrük Komitəsinin məlumatlarına əsasən ixracın 34,7 faizini İtaliyaya, 10,0 faizini Türkiyəyə, 7,9 faizini Portuqaliyaya, 6,0 faizini İsrailə, 5,5 faizini Çexiyaya, 4,8 faizini Hindistana, 4,5 faizini Vyetnama, 3,9 faizini Gürcüstana, 3,8 faizini Rusiyaya, 3,5 faizini Tailanda, 3,0 faizini Ukraynaya, hər biri 2,9 faiz olmaqla Birləşmiş Krallıq və Yunanıstana, 2,7 faizini Almaniyaya, qalan 3,9 faizini isə digər ölkələrə göndərilmiş məhsulların dəyəri təşkil etmişdir.

Ölkəmizə idxal olunmuş məhsulların ümumi dəyərinin 11,8 faizi Rusiya, 9,0 faizi Türkiyə, 8,6 faizi Çin, 7,9 faizi Avstraliya, 7,7 faizi İran, 6,2 faizi ABŞ, 4,6 faizi Belarus, 4,4 faizi Almaniya, 4,2 faizi Norveç, 3,6 faizi Kanada, 3,5 faizi Ukrayna, 3,2 faizi Yaponiya, 25,3 faizi isə digər ölkələr ilə aparılmış idxal əməliyyatlarının payına düşmüşdür.

2019-cu ilin yanvar ayında ölkədən 137,6 milyon dollar dəyərində qeyri-neft məhsulları ixrac edilmişdir ki, bu da 2018-ci ilin yanvar ayına nisbətən faktiki qiymətlərlə 12,1 faiz, real ifadədə isə 4,4 faiz çoxdur.

2019-cu ilin yanvar ayında 2018-ci ilin eyni ayı ilə müqayisədə mühüm məhsul növlərindən təzə meyvə ixracı 25,4 faiz, təzə tərəvəz – 1,8 dəfə, tütün – 21,6 faiz, şəkər – 2,4 dəfə, çay – 1,9 dəfə, təbii üzüm şərabları və üzüm suslosu – 1,7 dəfə, meyvə və tərəvəz konservləri – 20,5 faiz, kartof – 24,5 faiz, pambıq lifi – 2,0 dəfə, emal olunmamış alüminium – 19,2 faiz, bentonit gili – 18,8 faiz artmış, meyvə və tərəvəz şirələri ixracı isə 31,6 faiz, bitki yağları – 59,7 faiz, marqarin, qida üçün yararlı digər qarışıqlar – 63,0 faiz, polietilen – 21,5 faiz, qara metallardan borular – 60,3 faiz, pambıq ipliyi - 48,2 faiz azalmışdır.

2018-ci ilin yanvar ayı ilə müqayisədə 2019-cu ilin yanvar ayında xam şəkər və şəkər idxalı 2,7 dəfə, siqaret – 19,5 faiz, bitki yağları – 52,8 faiz, kartof – 42,3 faiz, quş əti və onun əlavə məhsulları – 2,2 dəfə, mal əti – 19,2 faiz, təzə tərəvəz – 21,6 faiz, minik avtomobilləri – 2,5 dəfə, mineral gübrələr – 1,8 dəfə, hesablama maşınları, blok və qurğuları – 21,0 faiz, mebellər – 1,7 dəfə, qara metallardan çubuqlar – 17,6 faiz, yük avtomobilləri – 2,9 dəfə, qara metallardan künclüklər – 31,2 faiz, məişət kondisionerləri – 53,8 faiz, avtobuslar – 4,5 dəfə, sement və sement klinkerləri – 1,6 dəfə, məişət soyuducuları – 4,5 faiz artmış, buğda idxalı isə 9,8 faiz, təzə meyvə – 2,0 faiz, kərə yağı, digər süd yağları və pastaları – 14,6 faiz, çay – 33,7 faiz, qara metallardan borular – 13,3 faiz, polad prokatı – 9,5 faiz, rezin şinlər – 8,9 faiz, polietilen – 4,5 faiz, paltaryuyan maşınlar – 1,9 faiz azalmışdır.

Əlaqə telefonu: 538-77-25

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim