logo
2019-cu ilin yanvar-iyul aylarında ölkənin xarici ticarət dövriyyəsi 19932,8 milyon ABŞ dolları təşkil etmişdir. 2019-cu ilin yanvar-avqust aylarında əvvəlki ilin eyni dövrü ilə müqayisədə 2,4 faiz çox ümumi daxili məhsul istehsal edilmişdir. 2019-cu ilin yanvar-avqust aylarında pərakəndə ticarət şəbəkəsində satılmış məhsulların dəyəri 24,2 milyard manata bərabər olmuşdur. 2019-cu ilin yanvar-avqust aylarında sənayenin qeyri neft-qaz sektorunda məhsul istehsalı 15,2 faiz artmışdır. 2019-cu ilin yanvar-avqust aylarında əsas kapitala 8627,2 milyon manat vəsait yönəldilmişdir. 2019-cu ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 587,7 manat olmuşdur. 2019-cu ilin yanvar-avqust aylarında istehlak məhsullarının və xidmətlərin qiymətləri 2,6 faiz bahalaşmışdır. Ölkə əhalisinin sayı 2019-cu il iyul ayının 1-i vəziyyətinə 10019575 nəfərə çatmışdır. 2019-cu ilin yanvar-iyul aylarında istehlak məhsullarının və xidmətlərin qiymətləri 2,7 faiz bahalaşmışdır. 2019-cu ilin yanvar-iyun aylarında orta aylıq nominal əməkhaqqı 585,2 manat olmuşdur. 2019-cu ilin yanvar-iyun aylarında ölkənin avtomobil yollarında 2018-ci ilin müvafiq dövrü ilə müqayisədə 2,0 faiz çox yol-nəqliyyat hadisəsi baş vermişdir. 2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25141,6 min ton, yük dövriyyəsi isə 5301,0 milyon ton-km olmuşdur. 2019-cu il avqust ayının 5-nə olan məlumata əsasən respublikanın 22 rayonunda və Naxçıvan Muxtar Respublikasında dənlilərin və dənli paxlalı (qarğıdalısız) bitkilərin biçini tam başa çatmışdır. 2019-cu ilin yanvar-iyun aylarında Azərbaycana 1410,7 min əcnəbi və vətəndaşlığı olmayan şəxs gəlmişdir.
image

Dövlət Statistika Komitəsinin nümayəndələri Malayziyada təlim səfərində olublar

21.12.2018, 10:49

18-21 dekabr 2018-ci il tarixlərində Azərbaycan Respublikası Dövlət Statistika Komitəsinin nümayəndələri Malayziya Statistika Departamentində təlim səfərində olublar. Dövlət Statistika Komitəsi sədrinin müavini Yusif Yusifovun rəhbərlik etdiyi nümayəndə heyətinin səfərinin əsas məqsədi statistikada institusional islahatların aparılması, statistik istehsal prosesinin standartlaşdırılması, inzibati məlumat mənbələrindən və “İrihəcmli məlumatlar”dan istifadəsi sahəsində kadr potensialının gücləndirilməsi, statistik məlumatların hazırlanmasında informasiya və kommunikasiya texnologiyalarının tətbiqi ilə bağlı Malayziya təcrübəsinin öyrənilməsidir.

Təlim səfərində Malayziya Statistika Departamentinin 5 illik islahatlar paketi, o cümlədən strateji və fəaliyyət planları, informasiya və kommunikasiya texnologiyalarının inkişafı planı, kadr potensialının gücləndirilməsi məqsədilə tətbiq edilən təlim modulları, habelə statistikanın ayrı-ayrı sahələri üzrə əldə edilmiş son nailiyyətlər haqqında Malayziyalı mütəxəssislər tərəfindən ətraflı məlumat verilib. Eyni zamanda Azərbaycan və Malayziyanın statistika qurumları arasında əməkdaşlıq perspektivləri də müzakirə edilib. Azərbaycanın statistika sistemində son illər həyata keçirilmiş islahatlardan da bəhs olunub. Qeyd edilib ki, Dövlət Statistika Komitəsi ilə Beynəlxalq Yenidənqurma və İnkişaf Bankı arasında imzalanmış “Azərbaycan Respublikası: 2018-2022-ci illər üzrə müfəssəl institusional, kadr və informasiya-kommunikasiya texnologiyaları potensialının artırılması planları daxil olmaqla, 2018-2030-cu illər üzrə Statistikanın İnkişafı üzrə Milli Strategiya Layihəsi” çərçivəsində baş tutan səfər nəticəsində əldə ediləcək təcrübədən bu sahədə islahatların davam etdirilməsi üçün beynəlxalq ekspertlər də cəlb olunmaqla hazırlanacaq yeni strategiya və fəaliyyət planlarının tərtib olunması prosesində istifadə ediləcək. 

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim