logo
Ölkə əhalisinin sayı 2019-cu il iyul ayının 1-i vəziyyətinə 10019575 nəfərə çatmışdır. 2019-cu ilin yanvar-iyul aylarında əvvəlki ilin eyni dövrü ilə müqayisədə 2,5 faiz çox ümumi daxili məhsul istehsal edilmişdir. 2019-cu ilin yanvar-iyul aylarında əsas kapitala 7395,5 milyon manat vəsait yönəldilmişdir 2019-cu ilin yanvar-iyul aylarında sənayenin qeyri neft-qaz sektorunda məhsul istehsalı 15,8 faiz artmışdır. 2019-cu ilin yanvar-iyun aylarında ölkənin xarici ticarət dövriyyəsi 16866,2 milyon ABŞ dolları təşkil etmişdir. 2019-cu ilin yanvar-iyul aylarında pərakəndə ticarət şəbəkəsində satılmış məhsulların dəyəri 21,1 milyard manata bərabər olmuşdur. 2019-cu ilin yanvar-iyul aylarında istehlak məhsullarının və xidmətlərin qiymətləri 2,7 faiz bahalaşmışdır. 2019-cu ilin yanvar-iyun aylarında orta aylıq nominal əməkhaqqı 585,2 manat olmuşdur. 2019-cu ilin yanvar-iyun aylarında ölkənin avtomobil yollarında 2018-ci ilin müvafiq dövrü ilə müqayisədə 2,0 faiz çox yol-nəqliyyat hadisəsi baş vermişdir. 2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25141,6 min ton, yük dövriyyəsi isə 5301,0 milyon ton-km olmuşdur. 2019-cu il avqust ayının 5-nə olan məlumata əsasən respublikanın 22 rayonunda və Naxçıvan Muxtar Respublikasında dənlilərin və dənli paxlalı (qarğıdalısız) bitkilərin biçini tam başa çatmışdır. 2019-cu ilin yanvar-iyun aylarında Azərbaycana 1410,7 min əcnəbi və vətəndaşlığı olmayan şəxs gəlmişdir.
image

Statistika Komitəsinin nümayəndələri Minskdə keçirilən təlimdə iştirak edirlər

05.12.2018, 10:36

4-5 dekabr 2018-ci il tarixlərində Belarus Respublikasının paytaxtı Minskdə Avropa İttifaqının Statistika Bürosu (Avrostat) tərəfindən “Avropa statistikasında inzibati məlumat mənbələrindən istifadə” mövzusuna həsr olunmuş Statistika üzrə Şərq Tərəfdaşlığı İşçi qrupunun 7-ci sessiyası keçirilir. Tədbirdə Azərbaycan Respublikası Dövlət Statistika Komitəsinin Sosial statistika şöbəsinin müdiri Elçin Hacı, Statistika işlərinin əlaqələndirilməsi və strateji planlaşdırma şöbəsi müdirinin müavini Toğrul Əcəlov və həmin şöbənin baş məsləhətçisi Təranə Məmmədova iştirak edirlər.

Seminara Azərbaycanla yanaşı Belarus, Ukrayna, Moldova, Gürcüstan  statistika orqanlarının mütəxəssisləri, eyni zamanda Avropa İttifaqının Statistika Bürosunun, Litva və Latviyanın ekspertləri də qatılıblar.

Sessiyada inzibati məlumatların statistika işinin təşkilindəki rolu, onlardan  istifadənin hüquqi əsasları, inzibati məlumatlardan istifadə ilə bağlı ən yaxşı Avropa təcrübələri nümayiş olunacaq, eyni zamanda iştirakçı ölkələrin nümayəndələri təqdimatlarla çıxış edəcəklər.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim