AZ    EN
logo
2020-ci ilin yanvar-avqust aylarında ölkədə 3,0 faiz az ümumi daxili məhsul istehsal olunmuşdur. 2020-ci ilin yanvar-avqust aylarında əsas kapitala 8682,4 milyon manat vəsait yönəldilmişdir. 2020-ci ilin yanvar-avqust aylarında 24,7 milyard manatlıq sənaye məhsulu istehsal edilmişdir. 2020-ci ilin yanvar-iyul aylarında orta aylıq nominal əməkhaqqı 715,4 manat olmuşdur. 2020-ci ilin yanvar-iyul aylarında ölkənin xarici ticarət dövriyyəsi 13777,6 milyon ABŞ dolları təşkil etmişdir. 2020-ci ilin yanvar-avqust aylarında pərakəndə ticarət şəbəkəsində istehlakçılara 24,6 milyard manatlıq məhsul satılmışdır. 2020-ci ilin yanvar-avqust aylarında istehlak qiymətləri indeksi 102,9 faiz təşkil etmişdir. 2020-ci il avqust ayının 10-na olan operativ məlumata əsasən payızlıq və yazlıq dənli və dənli paxlalı (qarğıdalısız) bitkilər üzrə biçilməsi nəzərdə tutulmuş 968,1 min hektar sahənin 944,4 min hektarı biçilərək məhsulu yığılmışdır. 2020-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir 2020-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əmək haqqı 720,0 manat olmuşdur 2020-ci ilin yanvar-iyun aylarında Azərbaycana dünyanın 152 ölkəsindən 590,1 min əcnəbi və vətəndaşlığı olmayan şəxs gəlmişdir. 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir.
image

Dövlət Statistika Komitəsinin sədri Tahir Budaqovun rəhbərlik etdiyi nümayəndə heyəti BƏƏ-də səfərdədir

22.10.2018, 16:20

22-24 oktyabr 2018-ci il tarixlərində Birləşmiş Ərəb Əmirliklərin Dubay şəhərində Birləşmiş Millətlər Təşkilatının (BMT) Statistika Komissiyasının təşkilatçılığı ilə İkinci Ümumdünya Məlumat Forumu keçirilir. Forumda ölkəmizi Azərbaycan Respublikası Dövlət Statistika Komitəsinin sədri Tahir Budaqovun rəhbərlik etdiyi nümayəndə heyəti təmsil edir.

İkinci Ümumdünya Məlumat Forumunun keçirilməsinin əsas məqsədi statistik istehsal proseslərinin idarə edilməsində innovativ yanaşmalara dair bilik və təcrübə mübadiləsinin təmin edilməsi, statistika potensialının artırılması məqsədilə bütün maraqlı tərəflər arasında konstruktiv dialoqun inkişafı və ölkələrin qlobal çağırışlara adekvat reaksiyasının nümayiş etdirilməsi məsələlərinin müzakirə edilməsindən ibarətdir. Milli statistika qurumlarının, beynəlxalq təşkilatların, elmi birliklərin, qeyri-dövlət tədqiqat təşkilatlarının 1000-dən çox nümayəndəsinin qatıldığı beynəlxalq tədbirdə iştirakçılar plenar iclaslarda, innovasiya laboratoriyalarında, məlumat paylaşma sahələrində fəal iştirak edərək öz qabaqcıl təcrübələrini bölüşəcəklər. Üç gün davam edən forumun proqramı geniş mövzulardan ibarət altı əsas tematik sahə ətrafında təşkil edilib.

“Daha yaxşı məlumat üçün potensial inkişafına dair yeni yanaşmalar”, “Məlumat ekosistemləri üzrə innovasiya və sinerjilər”, “Heç kimi kənarda qoymamaq”, “Dünyanı məlumat vasitəsilə anlamaq”, “Məlumatlara və statistikaya etibarlığın təmin edilməsi”, “Nə qədər yol qət etmişik?” mövzuları ölkələrdəki məlumat ekosistemlərinə dəstəyin verilməsi məqsədi ilə yeni qarşılıqlı əlaqələrin yaradılmasına və əməkdaşlığın inkişafına, yeni və ənənəvi məlumat mənbələrinin inteqrasiyası və istifadəsi üçün əlverişli mühitin yaradılmasına, bütün əhalinin əhatə edilməsini təmin etmək məqsədilə statistikanın toplanması və təkmilləşdirilməsinə, onun bütün istifadəçilər üçün yararlı edilməsinə, statistik savadlılığın artırılmasına, jurnalistikada məlumat istifadəsinin genişləndirilməsinə, Dayanıqlı İnkişaf Məlumatlarına dair Keyptaun Qlobal Fəaliyyət Planının icra vəziyyətinin nəzərdən keçirilməsinə, bu sahədə atılan praktiki addımların və ortaya çıxan çətinliklərin müzakirəsinə həsr olunub.

Tematik sahələr çərçivəsində keçirilən sessiyalarda statistik potensialın gücləndirilməsinin strateji milli planlaşdırmaya inteqrasiyası, milli statistika qurumlarının və digər hökumət və qeyri-hökumət qurumlarında yeni bacarıqların inkişaf etdirilməsi, təlimlərdən istifadə edilməsi, dövlət və özəl sektorlar arasında tərəfdaşlıqların təşviqi, donor bazasının genişləndirilməsi, Dayanıqlı İnkişaf Məqsədlərinə nail olmanın ölçülməsi üçün maliyyə alətlərinin yaradılması, milli statistika qurumunun ölkə daxilindəki koordinasiya rolunun artırılması, milli statistika qurumu və qeyri-ənənəvi məlumat istehsalçıları arasında əməkdaşlığın inkişaf etdirilməsi, coğrafi məkan məlumatların və statistikanın inteqrasiya edilməsi, irihəcmli məlumatların və digər yeni məlumat mənbələrinin istifadəsi ilə bağlı risklərin azaldılması, ənənəvi və innovativ yanaşmalar vasitəsilə məlumat toplamaqda həssas qrupların etimadının qazanılması, konfidensiallıq nəzərə alınmaqla mikroməlumatlara daxilolma imkanlarını təmin etməkdə çətinliklərin aradan qaldırılması, şəhər və yerli səviyyələrdə məlumatların səmərəli istehsal və istifadə edilməsi, qərarvericilərin keyfiyyətli məlumatlarla təmin edilməsi, məlumat mübadiləsinin optimallaşdırılması, vətəndaşların məlumatlardan istifadə imkanlarının genişləndirməsi, açıq məlumat prinsiplərinin tətbiqi imkanları, məlumat standartları, texnoloji və istifadəçi ehtiyaclarının müəyyən edilməsi, milli statistik sistemlərin modernləşdirilməsinə strateji investisiyaların səfərbər edilməsi və maraqlı tərəflər arasında əməkdaşlıq və koordinasiyanın dəstəklənməsi kimi aktual məsələlər müzakirə olunacaq.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim