logo
2019-cu ilin yanvar ayında bütün maliyyə mənbələrindən əsas kapitala 868,7 milyon manat vəsait yönəldilmişdir Ölkə əhalisinin sayı 2019-cu il yanvar ayının 1-i vəziyyətinə 9981457 nəfərə olmuşdur. Sənaye müəssisələri və bu sahədə fəaliyyət göstərən fərdi sahibkarlar tərəfindən 2019-cu ilin yanvar ayında 3,8 milyard manatlıq sənaye məhsulu istehsal edilmişdir. 2019-cu ilin yanvar ayında pərakəndə ticarət şəbəkəsində satılmış məhsulların dəyəri 2,9 milyard manata bərabər olmuşdur. 2018-ci ilin ilkin məlumatlarına əsasən ölkə iqtisadiyyatında muzdla çalışan işçilərin orta aylıq nominal əməkhaqqı 544,1 manat olmuşdur. 2019-cu ilin yanvar ayında istehlak məhsullarının və xidmətlərin qiymətləri 2018-ci ilin yanvar ayına nisbətən 1,7 faiz bahalaşmışdır. 2018-ci ildə ölkənin avtomobil yollarında 2017-ci illə müqayisədə 0,9 faiz az yol-nəqliyyat hadisəsi baş vermişdir. İstehsalçıların zəruri texnika ilə təchizatının yaxşılaşdırılması məqsədilə ötən il ölkəyə dövlət vəsaiti hesabına 6030 vahid kənd təsərrüfatı texnikası gətirilmişdir 2018-ci ildə Azərbaycana əvvəlki illə müqayisədə 5,7 faiz çox əcnəbi və vətəndaşlığı olmayan şəxs gəlmişdir. 2018-ci ildə ötən illə müqayisədə 3,3 faiz çox yeni yaşayış evləri tikilib istifadəyə verilmişdir. 2018-ci ildə bütün maliyyə mənbələrindən əsas kapitala əvvəlki illə müqayisədə 4,4 faiz az vəsait yönəldilmişdir. 2018-ci ilin yanvar-noyabr aylarında Azərbaycan Respublikasının hüquqi və fiziki şəxsləri dünyanın 182 ölkəsindəki tərəfdaşları ilə ticarət əməliyyatları həyata keçirmişdir 2018-ci ildə istehlak məhsullarının və xidmətlərin qiymətləri 2017-ci ilə nisbətən 2,3 faiz bahalaşmışdır 2019-cu ilin məhsulu üçün cari il dekabr ayının 1-i vəziyyətinə 891306,9 hektar sahədə dən və yaşıl yem üçün payızlıq bitkilər səpilmişdir. 2018-ci ilin yanvar-noyabr aylarında ölkənin ümumi daxili məhsulu 72432,1 milyon manat olmuşdur
image

Dövlət Statistika Komitəsinin sədri Tahir Budaqov BMT-nin Əhali Fondunun regional direktoru ilə görüşüb

25.09.2018

Sentyabrın 25-də Azərbaycan Respublikası Dövlət Statistika Komitəsinin sədri Tahir Budaqov ölkəmizdə səfərdə olan BMT-nin Əhali Fondunun Şərqi Avropa və Orta Asiya üzrə regional direktoru Alanna Armitajın rəhbərlik etdiyi nümayəndə heyəti ilə görüşüb.

BMT-nin Əhali Fondunun Şərqi Avropa və Orta Asiya üzrə regional direktorunun müavini Yan MakFarleynin, Azərbaycan üzrə ölkə direktoru Karl Kulessanın və Azərbaycan nümayəndələyinin Baş müşaviri Fərid Babayevin də iştirak etdiyi görüşdə Dövlət Statistika Komitəsi ilə BMT-nin Əhali Fondu arasında əməkdaşlığın inkişaf etdirilməsi, reproduktiv sağlamlıq, gender bərabərliyi və əhali sakinliyinin inkişafı məsələləri müzakirə olunub.

BMT-nin Əhali Fondunun nümayəndə heyətini salamlayan Dövlət Statistika Komitəsinin sədri Tahir Budaqov xanım Alanna Armitajı Fondun Şərqi Avropa və Orta Asiya üzrə regional direktoru vəzifəsinə təyin olunması münasibətilə təbrik edib. Bildirib ki, Azərbaycan Respublikasının Prezidenti cənab İlham Əliyevin rəhbərliyi ilə uğurla həyata keçirilən islahatlar nəticəsində bu gün ölkəmizdə bütün sahələrdə olduğu kimi, statistika işinin təşkili istiqamətində də ciddi nailiyyətlər əldə olunub. Dövlət Statistika Komitəsi “Dünyamızın transformasiyası: 2030-cu ilədək dayanıqlı inkişaf sahəsində Gündəlik”lə müəyyən edilmiş məqsəd və hədəflər üzrə irəliləyişin milli səviyyədə monitorinqinin aparılması üçün tələb olunan yüksək keyfiyyətli məlumatların təmin edilməsi istiqamətində müvafiq tədbirlər həyata keçirir. BMT-nin Əhali Fondunun ölkəmizdə çoxillik və səmərəli fəaliyyətindən bəhs edərək qeyd edib ki, Fond 2019-cu ildə keçiriləcək əhalinin siyahıyaalınmasının hazırlanması və keçirilməsi prosesində yaxından iştirak edir. Əhalinin siyahıyaalınması sahəsində görülən işlərdən danışan Tahir Budaqov siyahıyaalmanın keçirilməsi, yekunlarının işlənməsi, nəticələrinin dərc edilərək yayılmasını təmin etmək məqsədi ilə Dövlət Statistika Komitəsində Siyahıyaalma qrupunun yaradıldığını, ölkəmizdə akkreditə olunmuş beynəlxalq təşkilatlarla, o cümlədən BMT-nin müvafiq qurumlarının nümayəndələri ilə görüşlər keçirildiyini, beynəlxalq təşkilatların metodoloji tövsiyələri və digər ölkələrin bu sahədəki təcrübələrinin öyrənildiyini qonaqların nəzərinə çatdırıb. Hazırda sınaq siyahıyaalınmasına hazırlıq işlərinin yekunlaşma mərhələsində olduğunu bildirən Komitə sədri əsas siyahıyaalmaya hazırlıq zamanı da bu istiqamətdə əməkdaşlığın davam etdiriləcəyini diqqətə çatdırıb.

BMT-nin Əhali Fondunun Şərqi Avropa və Orta Asiya üzrə regional direktoru Alanna Armitaj səmimi görüşə görə minnətdarlığını bildirib. Ölkədə demoqrafiya və əhali sakinliyi sahəsində müsbət meyllərin nəzərə çarpdığını, demoqrafik vəziyyətin və əhalinin orta illik artım göstəricilərinin yaxşılaşdığını, eləcə də əhali sahəsində digər göstəricilərin müsbət tendensiyasına  nail olunduğunu qeyd edən qonaq respublikanın müsbət demoqrafik göstəricilərindən məmnunluğunu ifadə edib. Dayanıqlı inkişaf məqsədlərinin milli səviyyədə həyata keçirilməsi istiqamətində Azərbaycan Hökümətinin, o cümlədən Dövlət Statistika Komitəsinin fəaliyyətini və gələn il ölkəmizdə keçiriləcək növbəti əhalinin siyahıyaalınması ilə bağlı görülən işləri yüksək qiymətləndirən qonaq Dövlət Statistika Komitəsi ilə əməkdaşlığın daha da genişləndirilməsi istiqamətində səylərini əsirgəməyəcəyini vurğulayıb.

Görüşdə Dövlət Statistika Komitəsi ilə BMT-nin Əhali Fondu arasında gələcək əməkdaşlığın perspektivlərinə dair fikir mübadiləsi aparılıb.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim