home envelope sitemap
logo
2018-ci ilin yanvar-avqust aylarında əvvəlki ilin müvafiq dövrü ilə müqayisədə 1,9 faiz çox sənaye məhsulu istehsal edilmişdir. 2018-ci ilin yanvar-avqust aylarında bütün maliyyə mənbələrindən əsas kapitala 8953,6 milyon manat vəsait yönəldilmişdir. Ölkə üzrə əhalinin sayı 2018-ci il avqust ayının 1-i vəziyyətinə 9943226 nəfərə çatmışdır. 2018-ci ilin yanvar-avqust aylarında pərakəndə ticarət şəbəkəsində satılmış məhsulların dəyəri 23,0 milyard manata bərabər olmuşdur. 2018-ci ilin yanvar-iyul aylarında xarici ticarət dövriyyəsi 17474,7 milyon ABŞ dolları təşkil etmişdir. 2018-ci ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 542,3 manat olmuşdur. 2018-ci ilin yanvar-avqust aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 2,7 faiz bahalaşmışdır. Cari ilin yanvar-iyun aylarında pensiya və müavinətlərin maliyyələşdirilməsinə 1792,8 milyon manat vəsait yönəldilmişdir. Sənaye müəssisələri və bu sahədə fəaliyyət göstərən fərdi sahibkarlar tərəfindən 2018-ci ilin yanvar-iyul aylarında əvvəlki ilin müvafiq dövrü ilə müqayisədə 0,7 faiz çox sənaye məhsulu istehsal edilmişdir. 2018-ci ilin yanvar-iyul aylarında bütün maliyyə mənbələrindən əsas kapitala 7457,3 milyon manat vəsait yönəldilmişdir. 2018-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir. 2018-ci il iyulun 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 1,2 faiz artmışdır. 2018-ci ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25675,5 min ton olunmuşdur. 2018-ci il iyul ayının 23-nə olan məlumata əsasən biçilməsi nəzərdə tutulmuş 1049,3 min hektar sahənin 974,3 min hektarı və ya 92,9 faizi biçilərək məhsulu yığılmışdır. 2018-ci ilin birinci yarısında ölkənin ümumi daxili məhsulu 1,3 faiz artaraq 37009,1 milyon manata çatmışdır. 2018-ci ilin yanvar-may ayları ərzində Azərbaycana dünyanın 184 ölkəsindən ötən ilin müvafiq dövrü ilə müqayisədə 10,1 faiz çox əcnəbi və vətəndaşlığı olmayan şəxs gəlmişdir.
image

Dövlət Statistika Komitəsinin “Qurtuluşdan tərəqqiyə” adlı xüsusi nəşri işıq üzü görüb

2018-06-14

Azərbaycan Respublikası Dövlət Statistika Komitəsi tərəfindən hazırlanaraq çap olunan “Qurtuluşdan tərəqqiyə” adlı xüsusi nəşr Azərbaycan Xalq Cümhuriyyətinin 100-cü və ümummilli lider Heydər Əliyevin anadan olmasının 95-ci ildönümünə həsr olunub.

762 səhifədən ibarət olan nəşr Azərbaycan və ingilis dillərində nəfis tərtib edilib. Kitabda son 25 ilin statistik göstəriciləri iki dövrdə (1993-2002 və 2003-2017-ci illər) ətraflı əhatə olunub. Belə ki, hər iki dövr üzrə əhali, məşğulluq, institusional fəaliyyət, sənaye, tikinti, kənd təsərrüfatı, nəqliyyat, rabitə, turizm, İKT, ticarət, xarici ticarət, təhsil, elm, mədəniyyət, idman, səhiyyə, həyat səviyyəsi, milli hesablar, maliyyə, ətraf mühit statistikasına dair göstəricilər əks olunub. Qeyd edilmiş sahələr üzrə Ulu Öndər Heydər Əliyevin və Azərbaycan Respublikasının Prezidenti cənab İlham Əliyevin iştirak etdiyi rəsmi dövlət tədbirlərindən seçmə fotoşəkillər, həmçinin hər iki dövrü əks etdirən statistik göstəricilərin müqayisəsi əsasında tərtib edilmiş təhlillər və qrafiklər də kitabda öz əksini tapıb. Yeni nəşrin respublika ictimaiyyətinə, xarici dövlətlərin ölkəmizdəki səfirliklərinə, beynəlxalq təşkilatlara, dünya ölkələrinin statistika orqanlarına, elm, təhsil müəssisələrinə, kitabxanalara, yerli icra hakimiyyəti və statistika orqanlarına təqdim olunması, həmçinin geniş oxucu kütləsinin istifadəsi üçün elektron versiyasının Dövlət Statistika Komitəsinin rəsmi internet səhifəsində (www.stat.gov.az) yerləşdirilməsi nəzərdə tutulub.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim