home envelope sitemap
logo
2018-ci ilin yanvar-fevral aylarında xarici ticarət dövriyyəsi 4439,0 milyon ABŞ dolları olmuşdur. 2018-ci ilin yanvar-mart aylarında pərakəndə ticarət şəbəkəsində satılmış məhsulların dəyəri 8,5 milyard manat olmuşdur. 2018-ci ilin yanvar-mart aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 2869,2 milyon manat vəsait yönəldilmişdir. 2018-ci ilin yanvar-mart aylarında əvvəlki ilin müvafiq dövrü ilə müqayisədə 2,0 faiz çox sənaye məhsulu istehsal edilmişdir. 2018-ci ilin yanvar-mart aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 4,0 faiz bahalaşmışdır. Ölkə əhalisinin sayı 2018-ci il mart ayının 1-i vəziyyətinə 9911472 nəfərə çatmışdır. 2018-ci il martın 1-i vəziyyətinə ölkə iqtisadiyyatında muzdla çalışan işçilərin sayı 1516,5 min nəfər olmuşdur. 2017-ci ildə 21165 təsərrüfatda mövcud olan 271,7 min arı ailəsindən 3043,1 ton bal əldə olunmuşdur. 2018-ci ilin yanvar-fevral aylarında ölkənin ümumi daxili məhsulu əvvəlki ilin eyni dövrünə nisbətən 1,3 faiz artmışdır. 2017-ci ildə Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 52733,2 min ton, yük dövriyyəsi isə 11427,3 milyon ton-km olmuşdur. 2017-ci ildə ölkənin avtomobil yollarında 1833 yol-nəqliyyat hadisəsi baş vermişdir. 2017-ci ilin yanvar-dekabr aylarında Azərbaycan Respublikasının hüquqi və fiziki şəxsləri dünyanın 187 ölkəsindəki tərəfdaşları ilə ticarət əməliyyatları həyata keçirmişdir.
image

Dövlət Statistika Komitəsi Banqkokda keçirilən regional tədbirdə təmsil olunur

2018-03-28

26-29 mart 2017-ci il tarixlərində Tailandın paytaxtı Banqkok şəhərində 2030-cu ilədək dayanıqlı inkişaf sahəsində gündəliklə müəyyən edilmiş şəhər və yaşayış məntəqələrinin yaşayış üçün əlverişliliyinin, təhlükəsizliyinin, dayanıqlılığının və ekoloji tarazlığının təmin edilməsi məqsədi üzrə göstəricilərlə əlaqədar Asiya və Sakit okean ölkələri üçün regional seminar keçirilir. Tədbirdə Azərbaycan Respublikası Dövlət Statistika Komitəsi aparatının Dayanıqlı inkişaf statistikası şöbəsinin müdiri Rasim Səfərov iştirak edir.

BMT-nin Asiya və Sakit okean ölkələri üzrə İqtisadi və Sosial Komissiyası (ESCAP) və Yaşayış Məntəqələri üzrə Proqramı (UN–Habitat) tərəfindən birgə təşkil edilən tədbirin əsas məqsədi region ölkələrinin milli statistika qurumları və müvafiq sahədə fəaliyyət göstərən dövlət orqanlarının, aidiyyəti ekspertlərin şəhər üzrə məlumatların idarə edilməsi, təhlili, yerli və ölkə səviyyəsində qərarların qəbulunda məkan məlumatlarından istifadə potensialının artırılmasından ibarətdir. Seminarın gündəliyinə məkan göstəricilərinə dair məlumatların dezaqreqasiya səviyyəsi, onların toplanması, təhlili, istifadəsi və yayılması sahəsində milli siyasi, hüquqi və institusional çərçivələr ilə yanaşı BMT-nin UN–Habitat proqramı tərəfindən hazırlanmış metodologiyaların tətbiqi ilə bağlı aktual məsələlər də daxil edilib. Üç gün davam edən seminarda məkan göstəriciləri üzrə məlumatların idarə edilməsi sahəsində milli təcrübələr, mövcud çətiniliklər və alternativ metodlar müzakirə ediləcək.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim