home envelope sitemap
logo
Cari ilin yanvar-iyun aylarında pensiya və müavinətlərin maliyyələşdirilməsinə 1792,8 milyon manat vəsait yönəldilmişdir. Sənaye müəssisələri və bu sahədə fəaliyyət göstərən fərdi sahibkarlar tərəfindən 2018-ci ilin yanvar-iyul aylarında əvvəlki ilin müvafiq dövrü ilə müqayisədə 0,7 faiz çox sənaye məhsulu istehsal edilmişdir. 2018-ci ilin yanvar-iyul aylarında bütün maliyyə mənbələrindən əsas kapitala 7457,3 milyon manat vəsait yönəldilmişdir. 2018-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir. 2018-ci ilin yanvar-iyul aylarında pərakəndə ticarət şəbəkəsində satılmış məhsulların dəyəri 20,1 milyard manat olmuşdur. 2018-ci ilin yanvar-iyul aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 2,8 faiz bahalaşmışdır. 2018-ci il iyulun 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 1,2 faiz artmışdır. 2018-ci ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25675,5 min ton olunmuşdur. 2018-ci il iyul ayının 23-nə olan məlumata əsasən biçilməsi nəzərdə tutulmuş 1049,3 min hektar sahənin 974,3 min hektarı və ya 92,9 faizi biçilərək məhsulu yığılmışdır. 2018-ci ilin birinci yarısında ölkənin ümumi daxili məhsulu 1,3 faiz artaraq 37009,1 milyon manata çatmışdır. 2018-ci ilin yanvar-iyun aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 6331,7 milyon manat vəsait yönəldilmişdir. Sənaye müəssisələri və bu sahədə fəaliyyət göstərən fərdi sahibkarlar tərəfindən 2018-ci ilin yanvar-iyun aylarında 23,8 milyard manatlıq sənaye məhsulu istehsal edilmişdir 2018-ci ilin yanvar-may aylarında ölkə iqtisadiyyatında muzdla çalışan işçilərin orta aylıq nominal əməkhaqqı 541,0 manat olmuşdur. 2018-ci ilin yanvar-iyun aylarında pərakəndə ticarət şəbəkəsində satılmış məhsulların dəyəri 17,1 milyard manata bərabər olmuşdur. 2018-ci ilin yanvar-may aylarında Azərbaycan Respublikasının hüquqi və fiziki şəxsləri dünyanın 160 ölkəsindəki tərəfdaşları ilə ticarət əməliyyatları həyata keçirmişdir. 2018-ci il iyunun 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 1,3 faiz artaraq 1545,4 min nəfər olmuşdur. 2018-ci ilin yanvar-iyun aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 3,0 faiz bahalaşmışdır. 2018-ci ilin yanvar-may ayları ərzində Azərbaycana dünyanın 184 ölkəsindən ötən ilin müvafiq dövrü ilə müqayisədə 10,1 faiz çox əcnəbi və vətəndaşlığı olmayan şəxs gəlmişdir. 2018-ci ilin yanvar-may aylarında ölkənin ümumi daxili məhsulu əvvəlki ilin eyni dövrünə nisbətən 1,1 faiz artaraq 29294,0 milyon manata çatmışdır. Ölkə əhalisinin sayı 2018-ci il mart ayının 1-i vəziyyətinə 9911472 nəfərə çatmışdır.
image

Dövlət Statistika Komitəsində Ümummilli Liderimiz Heydər Əliyevin əziz xatirəsi anılıb

2017-12-11

Dekabrın 11-də Azərbaycan Respublikası Dövlət Statistika Komitəsində Azərbaycan Xalqının Ümummilli Lideri Heydər Əliyevin vəfatının 14-cü ildönümü ilə əlaqədar anım mərasimi keçirilib.

Əvvəlcə Ulu Öndər Heydər Əliyevin Komitənin foyesində ucaldılan büstü önünə gül dəstələri düzülüb, əziz xatirəsi ehtiramla anılıb.

Sonra keçiriliən anım mərasimi Dahi Rəhbər Heydər Əliyevin xatirəsinin
1 dəqiqəlik sükutla yad olunması ilə başlayıb.         

Tədbirdə məruzə ilə çıxış edən Dövlət Statistika Komitəsi sədri Tahir Budaqov ümummilli lider Heydər Əliyevin zəngin siyasi fəaliyyətindən, müasir Azərbaycan dövlətinin qurulması istiqamətində atdığı tarixi addımlardan danışıb. Bildirib ki, ümummilli lider Heydər Əliyev öz müdrik siyasəti, dönməz əqidəsi və tarixi uzaqgörənliyi sayəsində milli dövlətçilik ideyasının gerçəkləşdirilməsinə, müasir Azərbaycan dövlətinin qurulmasına və xalqımızın müstəqillik arzusuna çatmasına nail olub.

Qeyd edilib ki, Ulu Öndər dövlətimizin hərtərəfli inkişafında və dünya miqyasında tanınmasında əvəzsiz xidmətlər göstərmiş böyük tarixi şəxsiyyətdir. Azərbaycanın yarım əsrə yaxın dövrünü əhatə edən tarixi Heydər Əliyevin adı ilə qırılmaz tellərlə sıx bağlıdır. Bu illər ərzində xalqın ictimai-siyasi, iqtisadi və mədəni həyatının bütün sahələrində dirçəliş məhz dünya şöhrətli siyasi xadim Heydər Əliyevin əvəzolunmaz dövlətçilik strategiyasının bəhrəsidir. Ulu Öndər Heydər Əliyev rəhbərlik etdiyi dövrlərdə daim tərəqqisi üçün çalışdığı, zəngin mədəniyyəti, böyük tarixi keçmişi ilə həmişə qürur duyduğu və gələcək nəsillərinin taleyi üçün düşündüyü doğma yurdu Azərbaycanı bir dövlət kimi zamanın ağır və sərt sınaqlarından daim çıxarıb. Ən çətin anlarda belə Heydər Əliyev dərin zəkası ilə yenilməz siyasi iradə nümayiş etdirmiş, milli dövlətçiliyimizi və milli mənafeləri Azərbaycana düşmən olan qüvvələrdən və xarici təhdidlərdən qorumuşdur. Bu gün qədirbilən xalqımız Heydər Əliyev  siyasətinin uğurlarını hiss edir, onunla yaşayır və faydalanır, bu dövlətçilik siyasətini keyfiyyətcə yeni müstəvidə davam etdirən, ulu öndərimizin layiqli siyasi varisi Azərbaycan Respublikasının Prezidenti cənab İlham Əliyevə sonsuz inanır, güvənir və arxalanır. Azərbaycanın beynəlxalq aləmdə iqtisadi və siyasi mövqeyinin daha da möhkəmlənməsi, beynəlxalq qurumların hesabatlarında islahatçı ölkə kimi yer tutması, dünyanın nüfuzlu təşkilatlarının bu sahədə ölkəmizi dəstəkləyən qərar və qətnamələr qəbul etməsi bir həqiqəti ortaya qoyur ki, Dövlət Başçımızın rəhbərliyi ilə Heydər Əliyev siyasəti yaşayır və xalqımızı ilhamlı gələcəyə aparır.

Sonra çıxış edən İnformasiya texnologiyaları şöbəsinin baş məsləhətçisi Esmira Şəbiyeva və Qiymət statistikası şöbəsinin aparıcı məsləhətçisi Aydan Bağırlı Ulu Öndərin Azərbaycanın bir dövlət kimi yaşamasında, ölkənin müxtəlif sahələr üzrə inkişafında misilsiz xidmətlərindən danışıblar. Bildirilib ki, Dahi şəxsiyyət parlaq siyasi zəkası və istedadı sayəsində müstəqil və qüdrətli Azərbaycan dövlətini yaradıb, onun davamlı inkişaf yollarını müəyyənləşdirib. Bu gün müstəqil Azərbaycanın inkişafının hər bir zərrəsində dahi rəhbərin ideyaları yaşayır. Ölkə Prezidenti cənab İlham Əliyevin dediyi kimi: “Heydər Əliyevin adı bu gün bölgədə və dünyada layiqli mövqe qazanmış Azərbaycan dövlətinin rəmzi kimi səslənir”.

Sonda Azərbaycan Televiziyasının hazırladığı Ümummilli lider Heydər Əliyevin həyat və fəaliyyətindən bəhs edən “Liderlik Missiyası” filmi nümayiş olunub.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim