home envelope sitemap
logo
2018-ci ilin yanvar-mart aylarında ölkə iqtisadiyyatında muzdla çalışan işçilərin orta aylıq nominal əməkhaqqı 532,4 manat olmuşdur. 2018-ci ilin yanvar-aprel aylarında bütün maliyyə mənbələrindən əsas kapitala 4160,1 milyon manat vəsait yönəldilmişdir. 2018-ci ilin yanvar-mart aylarında Azərbaycan Respublikasının hüquqi və fiziki şəxsləri dünyanın 146 ölkəsindəki tərəfdaşları ilə ticarət əməliyyatları həyata keçirmişdir. 2018-ci il aprelin 1-i vəziyyətinə ölkə iqtisadiyyatında muzdla çalışan işçilərin sayı 1532,3 min nəfər olmuşdur. 2018-ci ilin yanvar-aprel aylarında sənaye müəssisələri və bu sahədə fəaliyyət göstərən fərdi sahibkarlar tərəfindən əvvəlki ilin müvafiq dövrü ilə müqayisədə 0,9 faiz çox sənaye məhsulu istehsal edilmişdir. 2018-ci ilin yanvar-aprel aylarında pərakəndə ticarət şəbəkəsində satılmış məhsulların dəyəri 10,9 milyard manat olmuşdur. 2018-ci ilin yanvar-mart aylarında ölkənin ümumi daxili məhsulu əvvəlki ilin eyni dövrünə nisbətən 2,3 faiz artaraq 17185,1 milyon manata çatmışdır. 2018-ci ilin yanvar-mart ayları ərzində Azərbaycana dünyanın 151 ölkəsindən ötən illin müvafiq dövrü ilə müqayisədə 12,4 faiz çox əcnəbi və vətəndaşlığı olmayan şəxs gəlmişdir. 2017-ci ildə bütün maliyyə mənbələri hesabına ümumi sahəsi 2014,7 min kvadrat metr olan yeni yaşayış evləri tikilib istifadəyə verilmişdir. 2018-ci ilin yanvar-fevral aylarında xarici ticarət dövriyyəsi 4439,0 milyon ABŞ dolları olmuşdur. 2018-ci ilin yanvar-mart aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 4,0 faiz bahalaşmışdır. Ölkə əhalisinin sayı 2018-ci il mart ayının 1-i vəziyyətinə 9911472 nəfərə çatmışdır. 2017-ci ildə 21165 təsərrüfatda mövcud olan 271,7 min arı ailəsindən 3043,1 ton bal əldə olunmuşdur.
image

Dövlət Statistika Komitəsinin nümayəndələri Almatıda keçirilən Dayanıqlı İnkişaf Məqsədlərinə dair seminarda iştirak edirlər

2017-11-30

28-30 noyabr tarixlərində Qazaxıstanın Almatı şəhərində Qazaxıstan Milli Statistika Komitəsi, BMT-nin Statistika şöbəsi, Avropa İqtisadi Komissiyası və Ətraf Mühit üzrə Proqramının təşkilatçılığı ilə Şərqi Avropa, Qafqaz və Mərkəzi Asiya ölkələri, Monqolustan, Türkiyə və Rusiya milli statistika orqanlarının rəhbərləri üçün “Dayanıqlı İnkişaf Məqsədləri göstəricilərinin istehsalına qeyri-ənənəvi məlumat mənbələrinin inteqrasiyası: İnstitusional və təşkilati mühit, əməkdaşlıq, dialoq və tərəfdaşlıq” mövzusunda seminar keçirilir. Tədbirdə Azərbaycan Respublikası Dövlət Statistika Komitəsi sədrinin müavini Rauf Səlimov və Dayanıqlı inkişaf statistikası şöbəsinin müdiri Rasim Səfərov iştirak edirlər.

Tədbirin gündəliyinə uyğun olaraq, rəsmi statistikanın və DİM göstəricilərinin hazırlanması üçün inzibati reyestrlər, geoməkan məlumatları və “Big Data” adlanan irihəcmli məlumatlar kimi qeyri-ənənəvi məlumat mənbələrinə də dövlət statistika orqanlarının əlyetərliliyinin təmin olunması, institusional, təşkilati və texniki mühit məsələləri müzakirə edilir.

 Qeyri-ənənəvi məlumatlardan istifadəyə dair hüquqi və metodoloji baza, belə məlumatların keyfiyyətinin rəsmi statistikanın tələblərinə cavab verməsi üçün həyata keçirilən tədbirlər və mövcud problemlərlə bağlı ölkə təcrübələrindən bəhs edən təqdimatlar keçirilir. Təqdimatlarda əsas diqqət rəsmi statistika istehsalçıları ilə qeyri-ənənəvi məlumat mənbələrinin sahibləri və məlumat istifadəçiləri arasında dialoq, əməkdaşlıq, idarəetmə məsələlərinə, həmçinin effektiv əlaqələndirməyə yönəlib.

Seminarda Azərbaycan Respublikası Dövlət Statistika Komitəsinin nümayəndələri də təqdimatla çıxış edərək statistik reyestrlər və inzibati məlumat mənbələri, onların rəsmi statistikada istifadəsi sahəsində ölkəmizdə mövcud olan hüquqi baza və institusional mühitlə bağlı məlumat veriblər.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim