home envelope sitemap
logo
2018-ci ilin yanvar-avqust aylarında əvvəlki ilin müvafiq dövrü ilə müqayisədə 1,9 faiz çox sənaye məhsulu istehsal edilmişdir. 2018-ci ilin yanvar-avqust aylarında bütün maliyyə mənbələrindən əsas kapitala 8953,6 milyon manat vəsait yönəldilmişdir. Ölkə üzrə əhalinin sayı 2018-ci il avqust ayının 1-i vəziyyətinə 9943226 nəfərə çatmışdır. 2018-ci ilin yanvar-avqust aylarında pərakəndə ticarət şəbəkəsində satılmış məhsulların dəyəri 23,0 milyard manata bərabər olmuşdur. 2018-ci ilin yanvar-iyul aylarında xarici ticarət dövriyyəsi 17474,7 milyon ABŞ dolları təşkil etmişdir. 2018-ci ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 542,3 manat olmuşdur. 2018-ci ilin yanvar-avqust aylarında istehlak məhsullarının və xidmətlərin qiymətləri 2017-ci ilin müvafiq dövrünə nisbətən 2,7 faiz bahalaşmışdır. Cari ilin yanvar-iyun aylarında pensiya və müavinətlərin maliyyələşdirilməsinə 1792,8 milyon manat vəsait yönəldilmişdir. Sənaye müəssisələri və bu sahədə fəaliyyət göstərən fərdi sahibkarlar tərəfindən 2018-ci ilin yanvar-iyul aylarında əvvəlki ilin müvafiq dövrü ilə müqayisədə 0,7 faiz çox sənaye məhsulu istehsal edilmişdir. 2018-ci ilin yanvar-iyul aylarında bütün maliyyə mənbələrindən əsas kapitala 7457,3 milyon manat vəsait yönəldilmişdir. 2018-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir. 2018-ci il iyulun 1-i vəziyyətinə ölkə iqtisadiyyatında muzdla çalışan işçilərin sayı ötən ilin eyni dövrü ilə müqayisədə 1,2 faiz artmışdır. 2018-ci ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25675,5 min ton olunmuşdur. 2018-ci il iyul ayının 23-nə olan məlumata əsasən biçilməsi nəzərdə tutulmuş 1049,3 min hektar sahənin 974,3 min hektarı və ya 92,9 faizi biçilərək məhsulu yığılmışdır. 2018-ci ilin birinci yarısında ölkənin ümumi daxili məhsulu 1,3 faiz artaraq 37009,1 milyon manata çatmışdır. 2018-ci ilin yanvar-may ayları ərzində Azərbaycana dünyanın 184 ölkəsindən ötən ilin müvafiq dövrü ilə müqayisədə 10,1 faiz çox əcnəbi və vətəndaşlığı olmayan şəxs gəlmişdir.
image

Düşənbədə SPECA-nın statistika üzrə İşçi qrupunun 12-ci iclası keçirilib

2017-10-27

24-26 oktyabr tarixlərində Tacikistanın paytaxtı Düşənbə şəhərində BMT-nin Avropa İqtisadi Komissiyasının və Avropa Azad Ticarət Assosasiyasının təşkilatçılığı ilə SPECA-nın (BMT-nin Mərkəzi Asiya Ölkələrinin İqtisadiyyatı üçün Xüsusi Proqramı) statistika üzrə İşçi qrupunun 12-ci iclası keçirilmişdir. Tədbirdə Azərbaycan Respublikası Dövlət Statistika Komitəsi sədrinin müavini Yusif Yusifovun rəhbərlik etdiyi nümayəndə heyəti iştirak etmişdir.

İşçi qrupunun iclasında Dayanıqlı İnkişaf Məqsədlərinin ölçülməsində əldə olunmuş nailiyyətlər, statistik məqsədlər üçün inzibati məlumatlardan istifadə və bu istiqamətdə gələcək fəaliyyətlər üçün prioritetlər müzakirə olunub. BMT-nin Avropa İqtisadi Komissiyasının, Avropa Azad Ticarət Assosiasiyasının əməkdaşları və dəvət olunmuş beynəlxalq ekspertlər inzibati məlumatların izahı, onlardan istifadənin üstünlüyü, məlumat mənbələrinə girişin təmin olunması, məlumatların inteqrasiyası, eləcə də statistik reyestrdə əhatə olunan inzibati məlumatlar haqqında tədbir iştirakçılarına məlumat veriblər.

İştirakçı ölkələrin nümayəndələri Dayanıqlı İnkişaf Məqsədlərinin ölçülməsi üçün milli səviyyədə görülən işlər, inzibati məlumatların əldə edilməsi istiqamətində həyata keçirilən fəaliyyətlər, prioritetlər və qarşıda duran vəzifələrlə bağlı təcrübələrini bölüşüblər.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim