AZ    EN
logo
2020-ci ilin yanvar-fevral aylarında Azərbaycana dünyanın 149 ölkəsindən 426,1 min əcnəbi və vətəndaşlığı olmayan şəxs gəlmişdir. 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2020-ci ilin yanvar-fevral aylarında 7,7 milyard manatlıq sənaye məhsulu istehsal edilmişdir. 2020-ci ilin yanvar-fevral aylarında əsas kapitala 1965,2 milyon manat vəsait yönəldilmişdir 2020-ci ilin yanvar ayında ölkənin xarici ticarət dövriyyəsi 2372,3 milyon ABŞ dolları təşkil etmişdir. 2020-ci ilin yanvar-fevral aylarında pərakəndə ticarət şəbəkəsindən əhaliyə 5858,7 milyon manatlıq məhsullar satılmışdır. 2020-ci ilin yanvar-fevral aylarında istehlak qiymətləri indeksi 2019-cu ilin yanvar-fevral aylarına nisbətən 102,8 faiz təşkil etmişdir. 2020-ci ilin yanvar ayında orta aylıq nominal əməkhaqqı 712,1 manat olmuşdur 2020-ci ilin yanvar-fevral aylarında ümumi daxili məhsulun həcmi 12578,0 milyon manat təşkil etmişdir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci ilin yanvar ayında Azərbaycana 226,2 min əcnəbi və vətəndaşlığı olmayan şəxs gəlmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.

Dövlət Statistika Komitəsinin nümayəndə heyəti Litva Statistika Departamenti ilə təcrübə mübadiləsi məqsədilə Vilnüsdə səfərdə olmuşdur.

18.12.2015

Azərbaycan Respublikası Dövlət Statistika Komitəsinin nümayəndə heyəti cari ilin 7-11 dekabr tarixlərində statistika sisteminin inkişafı ilə bağlı təcrübə mübadiləsi aparmaq məqsədi ilə Litva Respublikasında səfərdə olmuşdur.
Nümayəndə heyətinin tərkibinə Dövlət Statistika Komitəsi aparatının rəhbəri Vahab Məmmədov, Keyfiyyətin idarə olunması və informasiya texnologiyaları şöbəsinin müdiri Qasım Əliyev, Statistika işlərinin əlaqələndirilməsi şöbəsi müdirinin müavini Toğrul Əcəlov, Komitənin Baş Hesablama Mərkəzinin Məlumat bazaları texnologiyalarının tətbiqi şöbəsinin rəisi Kamil Hümbətov və Veb texnologiyalarının tətbiqi şöbəsinin rəis müavini Elgün Xəlilzadə daxil olmuşdur.
Səfər çərçivəsində Litva statistika sisteminin mövcud vəziyyəti və aparılan islahatlar, vahid inteqrasiya edilmiş metaməlumatlar strukturunun tətbiq edilməsi, keyfiyyətin idarə edilməsi sistemi, statistik hesabatların elektron təqdim edilməsi, əhali və ev təsərrüfatlarının statistik məlumatlarının yeni üsullarla ötürülməsi, istehlak qiymətləri indeksinin hesablanması üçün məlumatların toplanması və yoxlanmasının yeni üsulları, Litva Statistika Departamentində yerli statistika orqanlarının fəaliyyəti, o cümlədən rəsmi statistika portalında elektron xidmətlərin təşkili, tikinti statistikasında müayinələrin aparılması metodları, ticarət müəssisələrində dövriyyənin struktur müayinəsi üçün tətbiq edilən yeni metodlar, energetika statistikasının təşkili, xarici və daxili ticarət üzrə mövsümilik indekslərinin hesablanması, müəssisələr registri (biznes registr), inzibati məlumatlarla statistika işlərinin təşkili, milli hesablar sistemi və statistik informasiyanın yayılması kimi aktual mövzular qarşılıqlı müzakirə edilmiş və məlumat mübadiləsi aparılmışdır.
Səfər zamanı Dövlət Statistika Komitəsinin nümayəndələri Litva Statistika Departamentinin baş direktoru xanım Vilija Lapeniene ilə görüşmüşdür. Görüşdə statistika sahəsində qurumlararası beynəlxalq əlaqələrin möhkəmləndirilməsi, üstün statistika təcrübəsinin bölüşdürülməsi, statistika işlərinin təşkili, keyfiyyətin idarə olunması, səmərəli informasiya texnologiyalarının tətbiqi və digər sahələrdə əməkdaşlığın genişləndirilməsi məsələləri müzakirə edilmişdir. Görüş zamanı xanım Lapeniene qeyd etmişdir ki, statistik məlumatların mübadiləsi, vahid struktur və keyfiyyət standartlarının tətbiqi sahəsində Azərbaycan Respublikası Dövlət Statistika Komitəsi ilə əməkdaşlığın inkişafına və intensiv xarakter almasına yardımçı olacaqdır.
Tədbirdə Azərbaycan Respublikasında uğurla həyata keçirilən sosial-iqtisadi siyasətdən söz açılmış, statistika sistemində də milli prioritetlərə və beynəlxalq təcrübəyə əsaslanan islahatlar barədə qarşı tərəfə məlumat verilmişdir.
Səfər zamanı nümayəndə heyəti Litva Statistika Departamentinin sahə şöbələrinin və bölmələrinin rəhbərləri ilə statistika sisteminin təkmilləşdirilməsi sahəsində görülən işlər, əldə edilən uğurlar, strateji hədəflər və qarşıya çıxan problemlərə dair əhəmiyyətli müzakirələr aparmışlar.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim