AZ    EN
logo
2020-ci ilin yanvar-oktyabr aylarında Azərbaycana dünyanın 155 ölkəsindən 720,3 min əcnəbi və vətəndaşlığı olmayan şəxs gəlmişdir. 2020-ci ilin yanvar-sentyabr aylarında ölkədə 1145 yol-nəqliyyat hadisəsi baş vermişdir. 2020-ci ilin yanvar-sentyabr aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 29865,6 min ton olmuşdur. 2020-ci ilin yanvar-oktyabr aylarında ölkədə 58469,5 milyon manatlıq ümumi daxili məhsul istehsal olunmuşdur. 2020-ci ilin yanvar-sentyabr aylarında dünyanın 178 ölkəsindəki tərəfdaşları ilə ticarət əməliyyatları həyata keçirilmişdir 2020-ci il oktyabrın 1-i vəziyyətinə ölkə iqtisadiyyatında muzdla çalışan işçilərin sayı 1681,6 min nəfər olmuşdur 2020-ci ilin yanvar-oktyabr aylarında əsas kapitala 11540,2 milyon manat məbləğində vəsait yönəldilmişdir 2020-ci ilin yanvar-oktyabr aylarında pərakəndə ticarət şəbəkəsində istehlakçılara 31663,2 milyon manatlıq malı satılmışdır. 2020-ci ilin yanvar-oktyabr aylarında 30,7 milyard manatlıq sənaye məhsulu istehsal edilmişdir Cari ilin oktyabr ayında istehlak qiymətləri indeksi əvvəlki aya nisbətən 100,2 faiz təşkil etmişdir. 2020-ci ilin yanvar-sentyabr aylarında istehlak qiymətləri indeksi 102,9 faiz təşkil etmişdir. 2020-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir.

Moskva şəhərində “Təmsilçi istehlak və investisiya mallarının qiymətləri üzrə məlumatların yoxlanılması, razılaşdırılması və valyutaların alıcılıq qabiliyyəti pariteti”nin müzakirəsinə dair müşavirə keçirilmişdir

14.12.2015

Dövlət Statistika Komitəsinin Qiymət statistikası şöbəsi müdirinin müavini Rəşid Vəliyev 2015-ci il 30 noyabr - 3 dekabr tarixlərində Moskva şəhərində MDB ölkələrinin statistika orqanlarının mütəxəssislərinin və əlaqələndiricilərin iştirakı ilə təmsilçi istehlak və investisiya mallarının qiymətləri üzrə məlumatların yoxlanılması, razılaşdırılması və valyutaların alıcılıq qabiliyyəti paritetinin müzakirəsinə dair keçirilmiş müşavirədə iştirak etmişdir.
Müşavirə Dünya Bankının maliyyə dəstəyi ilə MDB məkanında ÜDM-in beynəlxalq müqayisələri layihəsinin əlaqələndiricisi olan MDB Dövlətlərarası Statistika Komitəsi və Rusiya Federal Dövlət Statistika Xidməti tərəfindən təşkil edilmişdir.
Müşavirədə MDB ölkələrinin (Azərbaycan, Belarus, Rusiya, Qazaxıstan, Tacikistan, Qırğızıstan, Moldova, Ermənistan) müvafiq statistika sahələri üzrə mütəxəssisləri, həmçinin MDB Dövlətlərarası Statistika Komitəsinin nümayəndələri iştirak etmişdir.
Tədbir MDB Dövlətlərarası Statistika Komitəsi sədrinin müavini cənab Kosarev Andrey Evgenyeviçin nitqi ilə başlamışdır. O, öz çıxışında 2014-cü ilin göstəriciləri əsasında MDB regionunda ÜDM-in beynəlxalq müqayisəsi proqramı çərçivəsində işlərin gedişatı, proqramın rolu, təşkili və aparılması haqqında məlumat vermiş və MDB ölkələrinin bu proqramda iştirakının vacibliyini qeyd etmişdir. Çıxışda həmçinin ÜDM-in beynəlxalq müqayisəsi zamanı valyutaların alıcılıq qabiliyyəti paritetlərinin istifadə edilməsinin əhəmiyyətindən danışıldı və son dövrlər müxtəlif beynəlxalq təşkilatlar, dövlət orqanları və ictimaiyyət tərəfindən bu göstəriciyə marağın artması qeyd edildi. Daha sonra söz MDB Dövlətlərarası Statistika Komitəsi və Rusiya Federal Dövlət Statistika Xidmətinin mütəxəssislərinə verilərək müşavirə davam etdirilmişdir.
Diaqnostik cədvəllər vasitəsilə ölkələr istehlak bölməsi üzrə 1919 adda mal və xidmətin, 481 adda investisiya malının, 66 adda tikinti materialının və 30 adda qeyri-bazar xidmətinin qiymətlərini, ölçü vahidlərini və xüsusiyyətlərini müzakirə edərək dəqiqləşdirmiş, həmçinin daha doğru və dəqiq valyutaların alıcılıq qabiliyyəti paritetinin hesablanması üçün daxili bazarlarında reprezentativ olmayan bir sıra mal və xidmətlər üzrə məlumatların 2014-cü ilin məlumat bazasından kənarlaşdırılmasına razılıq vermişlər. Bütün bunlar nəzərdən keçirilərək qiymətləri toplanmış mal və xidmətlərin qiymətlərinin 2014-cü il üzrə beynəlxalq müqayisələrin aparılması üçün yetərli olduğu qeyd edilmişdir.
Müşavirənin sonunda müzakirə olunmuş bütün mal və xidmətlər üzrə aparılacaq dəqiqləşmələrin nəticələrinin 2015-ci ilin dekabr ayının 22-ə qədər əlaqələndiricilərə göndərilməsi barədə razılıq əldə olunmuşdur.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim