logo
2019-cu ilin yanvar-iyul aylarında ölkənin xarici ticarət dövriyyəsi 19932,8 milyon ABŞ dolları təşkil etmişdir. 2019-cu ilin yanvar-avqust aylarında əvvəlki ilin eyni dövrü ilə müqayisədə 2,4 faiz çox ümumi daxili məhsul istehsal edilmişdir. 2019-cu ilin yanvar-avqust aylarında pərakəndə ticarət şəbəkəsində satılmış məhsulların dəyəri 24,2 milyard manata bərabər olmuşdur. 2019-cu ilin yanvar-avqust aylarında sənayenin qeyri neft-qaz sektorunda məhsul istehsalı 15,2 faiz artmışdır. 2019-cu ilin yanvar-avqust aylarında əsas kapitala 8627,2 milyon manat vəsait yönəldilmişdir. 2019-cu ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 587,7 manat olmuşdur. 2019-cu ilin yanvar-avqust aylarında istehlak məhsullarının və xidmətlərin qiymətləri 2,6 faiz bahalaşmışdır. Ölkə əhalisinin sayı 2019-cu il iyul ayının 1-i vəziyyətinə 10019575 nəfərə çatmışdır. 2019-cu ilin yanvar-iyul aylarında istehlak məhsullarının və xidmətlərin qiymətləri 2,7 faiz bahalaşmışdır. 2019-cu ilin yanvar-iyun aylarında orta aylıq nominal əməkhaqqı 585,2 manat olmuşdur. 2019-cu ilin yanvar-iyun aylarında ölkənin avtomobil yollarında 2018-ci ilin müvafiq dövrü ilə müqayisədə 2,0 faiz çox yol-nəqliyyat hadisəsi baş vermişdir. 2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25141,6 min ton, yük dövriyyəsi isə 5301,0 milyon ton-km olmuşdur. 2019-cu il avqust ayının 5-nə olan məlumata əsasən respublikanın 22 rayonunda və Naxçıvan Muxtar Respublikasında dənlilərin və dənli paxlalı (qarğıdalısız) bitkilərin biçini tam başa çatmışdır. 2019-cu ilin yanvar-iyun aylarında Azərbaycana 1410,7 min əcnəbi və vətəndaşlığı olmayan şəxs gəlmişdir.

Dövlət Statistika Komitəsində Dünya Bankının nümayəndə heyəti ilə görüş keçirilmişdir

27.11.2015

Noyabrın 26-da Dövlət Statistika Komitəsinin sədri cənab Tahir Budaqov Dünya Bankının nümayəndə heyəti ilə görüşmüşdür. Görüşün əsas məqsədi həyata keçirilən Proqrammatik Yoxsulluğun Qiymətləndirilməsi üzrə layihə çərçivəsində yoxsulluğun təhlili və yoxsulluğun azaldılması sahəsində siyasətin müzakirəsi olmuşdur.
Dövlət Statistika Komitəsinin sədri Tahir Budaqov nümayəndə heyətini salamlayaraq, Dövlət Statistika Komitəsi ilə Dünya Bankı arasındakı qarşılıqlı əməkdaşlığı müsbət qiymətləndirdiyini və bu əməkdaşlığın daha da inkişaf etdirilməsi arzusunda olduğunu bildirmişdir. Öz növbəsində, Dünya Bankının Azərbaycan üzrə meneceri xanım Larisa Leşçenko bu iki təşkilat arasında münasibətlərin uğurlu inkişafından məmnun olduğunu söyləmiş, müxtəlif sahələr üzrə əməkdaşlığın daha da genişləndirilməsi üçün yaxşı perspektivlərin olduğunu qeyd etmişdir.
Görüş zamanı Tahir Budaqov nümayəndə heyətinə Komitənin fəaliyyəti və gələcəkdə ölkə statistika sisteminin qarşısında duran mühüm vəzifələr haqqında geniş məlumat vermişdir. Eyni zamanda, Azərbaycanda yoxsulluğun aşağı səviyyədə olması, yeni iş yerlərinin açılması və bu istiqamətdə görülmüş işlər barədə məlumat iştirakçıların diqqətinə çatdırılmışdır. O qeyd etmişdir ki, 2000-ci ildə BMT Baş Assambleyasının qəbul etdiyi Minilliyin Bəyannaməsində dünya ölkələrində 2015-ci ilədək yoxsulluğun iki dəfə azaldılması hədəf kimi qarşıya qoyulmuşdur. Azərbaycan Respublikasında aparılan uğurlu sosial-iqtisadi islahatlar nəticəsində yoxsulluq səviyyəsi 2001-ci ilə nisbətən 8,4 dəfə azalaraq 49,0 faizdən 2014-cü ildə 5,0 faizə enmişdir. Şübhəsiz ki, yoxsulluğun azalmasında əhalinin gəlirlərinin, əmək haqlarının, təqaüdlərin artması böyük rol oynayır. Qeyd olunan dövrdə ÜDM 4,1 dəfə (o cümlədən adambaşına 3,5 dəfə), orta aylıq əmək haqqı isə 8,5 dəfə artmışdır. Eyni zamanda təhsilin və səhiyyə xidmətlərinin keyfiyyətinin yüksəldilməsi də bu sahəyə öz təsirini göstərir.
Xanım Larisa Leşçenko öz növbəsində Dünya Bankının Azərbaycandakı fəaliyyəti haqqında və növbədə duran işlər haqqında məlumat vermişdir. O vurğulamışdır ki, Azərbaycan Respublikasında 2000-ci ildən başlayaraq Dünya Bankının ekspertləri cəlb olunmaqla beynəlxalq standartlara uyğun metodologiya üzrə ev təsərrüfatlarının tədqiqatı həyata keçirilir. Mütəmadi olaraq Dünya Bankının ekspertləri tərəfindən bu sahədə metodoloji monitorinqlər keçirilir. Dünya Bankı yoxsulluğun azaldılması sahəsində Dövlət Statistika Komitəsi ilə sıx əməkdaşlıq həyata keçirir. Dünya Bankı ilə BMT-nin İnkişaf Proqramı və digər beynəlxalq təşkilatların məlumat bazalarındakı göstəricilər ilə Dövlət Statistika Komitəsinin faktiki göstəriciləri arasındakı uyğunsuzluqların aradan qaldırılması sahəsində əməkdaşlıq davam etdirilir.
Sonra görüş iştirakçıları hazırda Dövlət Statistika Komitəsində Dünya Bankı tərəfindən maliyyələşdirilən “Metaməlumatlar sisteminin yaradılması” layihəsi çərçivəsində görülən işlər, məlumatların toplanması və təhlili üzrə əməkdaşlıq istiqamətləri, Dünya Bankı tərəfindən təklif olunan texniki dəstək və qarşılıqlı maraq doğuran digər məsələlər ətrafında fikir mübadiləsi aparmışdırlar.
Sonda Dünya Bankının Azərbaycan üzrə meneceri xanım Larisa Leşçenko Dövlət Statistika Komitəsinin sədri Tahir Budaqova səmimi qəbula görə minnətdarlığını bildirmişdir.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim