AZ    EN
logo
2020-ci ilin yanvar ayında ölkədə istehsal olunmuş ümumi daxili məhsulun həcmi 6520,2 milyon manat təşkil etmişdir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci ilin yanvar ayında Azərbaycana 226,2 min əcnəbi və vətəndaşlığı olmayan şəxs gəlmişdir. 2020-ci ilin yanvar ayında əsas kapitala 996,7 milyon manat vəsait yönəldilmişdir. 2020-ci ilin yanvar ayında istehlak qiymətləri indeksi 2019-cu ilin yanvar ayına nisbətən 102,7 faiz təşkil etmişdir. 2020-ci ilin yanvar ayında 4,2 milyard manatlıq sənaye məhsulu istehsal edilmişdir. 2020-ci ilin yanvar ayında pərakəndə ticarət şəbəkəsində satılmış məhsulların 3,1 milyard manata bərabər olmuşdur. 2019-cu ildə Azərbaycan Respublikasının hüquqi və fiziki şəxsləri dünyanın 195 ölkəsindəki tərəfdaşları ilə ticarət əməliyyatları həyata keçirmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır. Cari il dekabr ayının 24-ü vəziyyətinə 1019200,2 hektar sahədə dən və yaşıl yem üçün payızlıq bitkilər səpilmişdir. 2019-cu ilin yanvar-sentyabr aylarında ölkənin avtomobil yollarında 1274 yol-nəqliyyat hadisəsi baş vermişdir. 2019-cu ilin yanvar-sentyabr aylarında muzdla işləyənlərin orta aylıq nominal əməkhaqqı 603,5 manat təşkil etmişdir. 2019-cu il oktyabrın 1-i vəziyyətinə ölkə iqtisadiyyatında muzdla çalışan işçilərin sayı 1639,1 min nəfər olmuşdur. 2019-cu ilin yanvar-sentyabr aylarında ölkə üzrə mehmanxanalarda 2666,7 min gecələmə keçirilmişdir.

Almaniyanın Viesbaden şəhərində “Statistika idarələrində keyfiyyətin idarə olunması” mövzusunda seminar keçirilmişdir

20.11.2015

2015-ci ilin 02-06 noyabr tarixlərində Texniki Yardım və İnformasiya Mübadiləsi (TAIEX) layihəsi çərçivəsində Almaniya Federativ Respublikasının Viesbaden şəhərində “Statistika idarələrində keyfiyyətin idarə olunması” mövzusunda təşkil edilmiş seminarda Dövlət Statistika Komitəsinin Keyfiyyətin idarə olunması və informasiya texnologiyaları şöbəsinin müdiri Qasım Əliyev, şöbənin sektor müdiri Vüqar Şahbazov və aparıcı məsləhətçi Məhliqa Məlikova iştirak etmişdir.
Seminarın keçirilməsində əsas məqsəd statistika idarələrində keyfiyyətin idarə olunması sisteminin qurulması, təkmilləşdirilməsi və işlək vəziyyətdə saxlanılması, keyfiyyətlə bağlı ən son yeni standartların və tövsiyələrin mənimsənilməsi, keyfiyyətin idarə olunması sisteminin vacibliyi, keyfiyyət mədəniyyəti və onun formalaşması, keyfiyyətin qiymətləndirilməsi üsulları və s. məlumatlarla bağlı təlim keçməkdən ibarət olmuşdur.
Seminar əsasən aşağıdakı məsələləri əhatə etmişdir:
1. Keyfiyyət təminatının əsasları;
2. Almaniyada rəsmi statistikanın inkişafı;
3. Keyfiyyət təminatı üçün rəsmi və institusional səviyyə;
4. Mütəxəssis qiymətləndirmələri (Peer Review) və Avropa Statistika Sistemi çərçivəsində keyfiyyətin təminatı (QAF);
5. Keyfiyyət məruzələri, keyfiyyət göstəriciləri, keyfiyyət məlumat səhifələri, keyfiyyət qaydaları;
6. “Statistik Biznes-Prosesin Ümumi Modeli”nin (SBPÜM) 5-ci versiyasının Almaniyanın “Rəsmi Statistikanın Biznes-Prosesi Modeli”nə (GMAS) uyğunlaşdırılması;
7. Statistiklərin özünü qiymətləndirməsi üçün “Özünü qiymətləndirmə proqramının hazırlanması anketi” (DESAP);
8. Məlumatların dəqiqləşdirilməsi siyasəti və təqvimi, xəta siyasəti;
9. Keyfiyyətin İdarə olunması üzrə Avropa fondu (EFQM);
10. Keyfiyyətin idarə olunmasında informasiya texnologiyalarının rolu.
Seminarın ilk günü almaniyalı ekspertlərə Azərbaycan Respublikasının Dövlət Statistika Komitəsində keyfiyyətin idarə edilməsi sistemi barədə ümumi məlumat verilərək, sistemin qurulma mexanizmini özündə əks etdirən 2010-2015-ci illəri əhatə edən xülasə təqdim edilmişdir.
Almaniya Federativ Respublikası Statistika İdarəsinin əməkdaşlarının keyfiyyət təminatının əsaslarını əhatə edən alətlər, hüquqi və institusional mühit, SDMX standartı üzrə metaməlumatlar (ESMS), keyfiyyət məruzələri (ESQRS), keyfiyyət göstəriciləri, keyfiyyət məlumat səhifələrinin yaradılması, keyfiyyət qaydaları, məlumatların dəqiqləşdirilməsi siyasəti və təqvimi, xəta siyasəti, statistiklər üçün özünüqiymətləndirmə anketinin tətbiqi (DESAP), statistik biznes proses əsasında statistik proseslərin təsviri ilə bağlı təqdimatları olmuşdur.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim