AZ    EN
logo
2020-ci il avqust ayının 10-na olan operativ məlumata əsasən payızlıq və yazlıq dənli və dənli paxlalı (qarğıdalısız) bitkilər üzrə biçilməsi nəzərdə tutulmuş 968,1 min hektar sahənin 944,4 min hektarı biçilərək məhsulu yığılmışdır. 2020-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir 2020-ci ilin yanvar-iyul aylarında pərakəndə ticarət şəbəkəsində istehlakçılara 21,4 milyard manatlıq məhsul satılmışdır 2020-ci ilin yanvar-iyul aylarında 21,6 milyard manatlıq sənaye məhsulu istehsal edilmişdir 2020-ci ilin yanvar-iyul aylarında əsas kapitala 7588,3 milyon manat məbləğində vəsait yönəldilmişdir. 2020-ci ilin yanvar-iyul aylarında istehlak qiymətləri indeksi 102,9 faiz təşkil etmişdir. 2020-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əmək haqqı 720,0 manat olmuşdur 2020-ci ilin yanvar-may aylarında ölkənin xarici ticarət dövriyyəsi 9852,5 milyon ABŞ dolları təşkil etmişdir. 2020-ci ilin yanvar-iyun aylarında ölkədə 2,7 faiz az ümumi daxili məhsul istehsal olunmuşdur. 2020-ci ilin yanvar-iyun aylarında Azərbaycana dünyanın 152 ölkəsindən 590,1 min əcnəbi və vətəndaşlığı olmayan şəxs gəlmişdir. 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. 2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 12526,0 min ton olmuşdur 2020-ci il martın 1-i vəziyyətinə muzdla çalışan işçilərin sayı 1641,5 min nəfər olmuşdur 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.

Avstriyanın Vyana şəhərində “Sənaye statistikası”na dair beynəlxalq seminar keçirilmişdir

05.11.2015

Azərbaycan Respublikası Dövlət Statistika Komitəsinin Statistika işlərinin əlaqələndirilməsi şöbəsi müdirinin müavini Fərhad Əliyev BMT-nin Sənayenin İnkişafı Təşkilatı (UNİDO) tərəfindən cari ilin 14-16 oktyabr tarixlərində Avstriyanın Vyana şəhərində, Vyana Beynəlxalq Mərkəzdə təşkil olunmuş “Sənaye statistikası”na dair beynəlxalq seminarda iştirak etmişdir. Seminarın əsas məqsədi iştirakçılar arasında sənaye statistikası sahəsində aktual problemlər və “Dayanıqlı inkişaf məqsədləri”inin 9-cu “Möhkəm infrastrukturun qurulması, davamlı sənayeləşmənin və innovasiyaların təşviq olunması”nı əks etdirən məqsədi haqqında fikir mübadiləsi aparmaq və sənaye statistikası ilə əlaqədar iştirakçı ölkələrin milli statistika orqanlarının təcrübələrinin paylaşmasından ibarət olmuşdur. Seminar 20 oktyabr 2015-ci il “Ümumdünya Statistika Günü”nə həsr olunmuş sənayeləşmə və iqtisadi artım, informasiya-kommunikasiya texnologiyaları, innovasiya və texnologiya, sosial daxilolmalar və sənayeləşmə, sənayeləşmə və ətraf mühit, “Dayanıqlı inkişaf məqsədləri”nin qlobal monitorinqi kimi mövzuları özündə əks etdirmişdir.
Seminarda Cənubi Afrikanın, Tanzaniya Birləşmiş Respublikasının, Vyetnamın, Uruqvayın, Slovakiyanın, Efiopiyanın, Nepalın, Ukraynanın, Rusiyanın, Nigeriyanın, Laosun, Avstriyanın, Qazaxıstanın, Qananın, Azərbaycanın statistika orqanlarının və Myanmar Sənaye Nazirliyinin mütəxəssisləri, eləcə də Beynəlxalq Əmək Təşkilatının, Vyana Beynəlxalq İqtisadi Elmlər İnstitutunun, Beynəlxalq Enerji Agentliyinin, Vrije Universitetinin (Brüssel), BMT-nin Elm, Təhsil və Mədəniyyət Təşkilatının (UNESCO), BMT-nin Ərzaq və Kənd Təsərrüfatı Təşkilatının (FAO), Beynəlxalq Atom Enerjisi Agentliyinin (İAEA), Beynəlxalq Telekommunikasiya Birliyinin (İTU) və UNİDO-nun nümayəndələri də daxil olmaqla 28 nəfər iştirak etmişdir.
Tədbiri UNİDO-nun baş direktor müavini cənab T.Nişikava açıq elan etmiş və “Dayanıqlı inkişaf məqsədləri”, ikinci dəfə qeyd olunan “Ümumdünya Statistika Günü” haqqında məlumat vermişdir. Daha sonra “Ümumdünya Statistika Günü” və UNİDO-nun Statistika şöbəsinə həsr olunmuş videoçarx nümayiş etdirilmişdir.
Tədbir sənaye statistikasına dair müxtəlif mövzuları əhatə edən altı sessiyadan ibarət olmuşdur. Seminarın birinci gününün ilk sessiyasında UNİDO-nun baş statistiki cənab Ş.Upadhyaya “Ölkələrarası müqayisəli təhlil üçün sənayeləşmənin ölçülməsi” mövzusunda təqdimatla çıxış edərək “Dayanıqlı inkişaf məqsədləri”nin 9-cu məqsədi, sənayeləşmənin əsas göstəriciləri, sənayeləşmənin qlobal vəzifələri, ölçmə problemləri və məlumatların mövcudluğu ilə bağlı məlumat vermişdir.
Ölkə təcrübələrinə dair ilk olaraq Azərbaycan Respublikası Dövlət Statistika Komitəsinin nümayəndəsi Fərhad Əliyev “Azərbaycanda sənaye statistikası sistemi” adlı təqdimatla çıxış edərək Dövlət Statistika Komitəsi, Sənaye və tikinti statistikası şöbəsi haqqında ümumi məlumat vermişdir. Eyni zamanda biznes registr əsasında məlumatların toplanması, istehsalı, yayılması, sənaye statistikası sahəsində istifadə olunan beynəlxalq təsnifatların milli versiyaları, statistik hesabat formalarının onlayn rejimində doldurulması, sənaye statistikası ilə əlaqədar nəşrlər barədə iştirakçıları məlumatlandırmışdır. Komitə nümayəndəsi tədbirin “Ümumdünya Statistika Günü”nə həsr olunması səbəbi ilə bu günlə bağlı Dövlət Statistika Komitəsi tərəfindən keçiriləcək tədbirlər barədə də ətraflı məlumat vermişdir.
Ümumilikdə üç gün davam edən tədbirdə iştirakçılar tərəfindən enerji məlumatlarının toplanması, hesabat vermə mexanizmi, BEA-nın enerji balanslarında emal sənayesi, layiqli əməyin konsepsiyası, sosial daxilolmalara yanaşmalar, layiqli əməyin ölçülməsinə gender bərabərliyi, emal sektorunda məşğulluq və əmək haqlarında gender boşluqları, emal sənayesi sahəsində müayinələr, kiçik emal müəssisələri, “Dayanıqlı inkişaf məqsədləri”nin 9-cu məqsədinin hədəfləri, elm, texnologiya və innovasiya statistikası üçün rəsmi məlumat mənbələri, elm və texnologiya göstəricilərinə dair məsələlər və s. barədə geniş məlumat verilmişdir.
Tədbirin sonuncu günü əsasən beynəlxalq təşkilatların nümayəndələri tərəfindən təqdimatlar edilmişdir. UNİDO-nun qlobal statistik məlumat bazası, “Dayanıqlı inkişaf məqsədləri” üçün İKT göstəriciləri, mövcud göstəricilər və yeni məlumat mənbələri, sənaye statistikasına uyğun olaraq mətnlərin və bloqların statistik məlumatlara transformasiyası və s. haqqında məruzələr edilmişdir.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim