AZ    EN
logo
2020-ci il avqust ayının 10-na olan operativ məlumata əsasən payızlıq və yazlıq dənli və dənli paxlalı (qarğıdalısız) bitkilər üzrə biçilməsi nəzərdə tutulmuş 968,1 min hektar sahənin 944,4 min hektarı biçilərək məhsulu yığılmışdır. 2020-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir 2020-ci ilin yanvar-iyul aylarında pərakəndə ticarət şəbəkəsində istehlakçılara 21,4 milyard manatlıq məhsul satılmışdır 2020-ci ilin yanvar-iyul aylarında 21,6 milyard manatlıq sənaye məhsulu istehsal edilmişdir 2020-ci ilin yanvar-iyul aylarında əsas kapitala 7588,3 milyon manat məbləğində vəsait yönəldilmişdir. 2020-ci ilin yanvar-iyul aylarında istehlak qiymətləri indeksi 102,9 faiz təşkil etmişdir. 2020-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əmək haqqı 720,0 manat olmuşdur 2020-ci ilin yanvar-may aylarında ölkənin xarici ticarət dövriyyəsi 9852,5 milyon ABŞ dolları təşkil etmişdir. 2020-ci ilin yanvar-iyun aylarında ölkədə 2,7 faiz az ümumi daxili məhsul istehsal olunmuşdur. 2020-ci ilin yanvar-iyun aylarında Azərbaycana dünyanın 152 ölkəsindən 590,1 min əcnəbi və vətəndaşlığı olmayan şəxs gəlmişdir. 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. 2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 12526,0 min ton olmuşdur 2020-ci il martın 1-i vəziyyətinə muzdla çalışan işçilərin sayı 1641,5 min nəfər olmuşdur 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.

Dövlət Statistika Komitəsində “Rəsmi statistikanın inkişafı və təkmilləşdirilməsi yolları” mövzusunda elmi-praktik konfrans keçirilmişdir

30.10.2015

Azərbaycan Respublikası Prezidentinin 2012-ci il 21 dekabr tarixli 2621 nömrəli Sərəncamı ilə təsdiq edilmiş “2013-2017-ci illərdə Azərbaycan Respublikasında rəsmi statistikanın inkişafı Dövlət Proqramı”na uyğun olaraq, 30 oktyabr 2015-ci il tarixində Dövlət Statistika Komitəsində “Rəsmi statistikanın inkişafı və təkmilləşdirilməsi yolları” mövzusunda elmi-praktik konfrans keçirilmişdir. Aparatın Məlumatların yayılması şöbəsinin təşkilatçılığı ilə keçirilmiş konfransda Dövlət Statistika Komitəsi aparatının, Baş Hesablama Mərkəzinin və Statistik məlumatlarının elmi-tədqiqat və layihə-texnoloji mərkəzinin mütəxəssisləri iştirak etmişlər.
Konfransın məqsədi sosial-iqtisadi qərarların qəbulunda statistikanın rolu, statistik məlumatların hazırlanmasında innovativ yanaşmalar, məlumatların keyfiyyətinin artırılması istiqamətində elmi-praktik əhəmiyyət kəsb edən məsələlərin aşkara çıxarılmasından ibarət olmuşdur.
Konfrans iştirakçıları Aparatın Əmək statistikası şöbəsi müdirinin müavini Nemət Xuduzadə “Əmək statistikasına dair yeni beynəlxalq standartların milli səviyyədə tətbiqi və təsiri”, Kənd təsərrüfatı və ekologiya statistikası şöbəsinin baş məsləhətçisi İlqar Vəliyev “Atmosferin çirkləndirilməsinin əhalinin sağlamlığına və uzunömürlülüyünə təsirinin reqressiya-korrelyasiya təhlili”, Ticarət və turizm statistikası şöbəsinin sektor müdiri Rauf Əliyev “Ölkədə turizm statistikası sistemi, turizmə dair statistik məlumatların əldə edilməsi metodları”, Sənaye və tikinti statistikası şöbəsinin aparıcı məsləhətçisi Şəfəq Kazımova “Sənaye sahəsinin inkişafının analitik təhlili üçün səmərəlilik statistik göstəricilər sistemi”, Statistika işlərinin əlaqələndirilməsi şöbəsinin sektor müdiri Etibar Yaqublu “Rəsmi statistikanın təşkili və təkmilləşdirilməsi yolları”, Milli hesablar və makroiqtisadi göstəricilər statistikası şöbəsi müdirinin müavini Mələknisə Məhərrəmova “Maliyyə korporasiyaları sektoru, onun alt sektorları və institusional vahidləri”, Keyfiyyətin idarə olunması və informasiya texnologiyaları şöbəsinin aparıcı məsləhətçisi Anar Əliyev “Dövlət Statistika Komitəsində yeni beynəlxalq keyfiyyət standartlarının tətbiqi”, Xidmət statistikası şöbəsinin baş məsləhətçisi Arzu Orucova “Səhiyyə statistikası haqqında”, həmçinin Statistik məlumatların elmi-tədqiqat və layihə -texnoloji mərkəzin Ekonometriya şöbəsi rəisinin müavini Səadət Rəhimova “Əhalinin ömür uzunluğunun proqnozlaşdırılması metodları”, Elmi-metodoloji şöbənin rəisi Zərifə Nağıyeva “Çoxölçülü statistik təhlil əsasında yoxsulluğun müəyyənləşdirilməsi” mövzularında maraqlı məruzələrlə çıxış etmişlər.
Məruzələrdən sonra konfrans diskussiya şəklində davam etdirilmişdir.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim