logo
2019-cu ilin yanvar-iyul aylarında ölkənin xarici ticarət dövriyyəsi 19932,8 milyon ABŞ dolları təşkil etmişdir. 2019-cu ilin yanvar-avqust aylarında əvvəlki ilin eyni dövrü ilə müqayisədə 2,4 faiz çox ümumi daxili məhsul istehsal edilmişdir. 2019-cu ilin yanvar-avqust aylarında pərakəndə ticarət şəbəkəsində satılmış məhsulların dəyəri 24,2 milyard manata bərabər olmuşdur. 2019-cu ilin yanvar-avqust aylarında sənayenin qeyri neft-qaz sektorunda məhsul istehsalı 15,2 faiz artmışdır. 2019-cu ilin yanvar-avqust aylarında əsas kapitala 8627,2 milyon manat vəsait yönəldilmişdir. 2019-cu ilin yanvar-iyul aylarında ölkə iqtisadiyyatında muzdla çalışan işçilərin orta aylıq nominal əməkhaqqı 587,7 manat olmuşdur. 2019-cu ilin yanvar-avqust aylarında istehlak məhsullarının və xidmətlərin qiymətləri 2,6 faiz bahalaşmışdır. Ölkə əhalisinin sayı 2019-cu il iyul ayının 1-i vəziyyətinə 10019575 nəfərə çatmışdır. 2019-cu ilin yanvar-iyul aylarında istehlak məhsullarının və xidmətlərin qiymətləri 2,7 faiz bahalaşmışdır. 2019-cu ilin yanvar-iyun aylarında orta aylıq nominal əməkhaqqı 585,2 manat olmuşdur. 2019-cu ilin yanvar-iyun aylarında ölkənin avtomobil yollarında 2018-ci ilin müvafiq dövrü ilə müqayisədə 2,0 faiz çox yol-nəqliyyat hadisəsi baş vermişdir. 2019-cu ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25141,6 min ton, yük dövriyyəsi isə 5301,0 milyon ton-km olmuşdur. 2019-cu il avqust ayının 5-nə olan məlumata əsasən respublikanın 22 rayonunda və Naxçıvan Muxtar Respublikasında dənlilərin və dənli paxlalı (qarğıdalısız) bitkilərin biçini tam başa çatmışdır. 2019-cu ilin yanvar-iyun aylarında Azərbaycana 1410,7 min əcnəbi və vətəndaşlığı olmayan şəxs gəlmişdir.

Dövlət Statistika Komitəsinin sədri Bolqarıstan Milli Statistika İnstitutunun prezidentini qəbul edib

22.10.2015

Oktyabr ayının 22-də Dövlət Statistika Komitəsinin sədri cənab Tahir Budaqov Bolqarıstan Milli Statistika İnstitutunun prezidenti Sergey Tsvetarski ilə görüşmüşdür.
Görüşün əsas məqsədi “Milli Statistika Sisteminin Avropa standartlarına uyğunlaşdırılmasında Azərbaycan Respublikasının Dövlət Statistika Komitəsinə dəstək” Tvinninq layihəsinin başlanması ilə bağlı məsələlərin müzakirəsi olmuşdur.
Bildirilmişdir ki, Tvinninq layihəsi Dövlət Statistika Komitəsi və Aİ mütəxəssislərinin qarşılıqlı səfərləri əsasında həyata keçiriləcəkdir. Layihənin icrasını təşkil etmək üçün layihə idarəetmə komitəsi yaradılacaqdır ki, layihəyə başlandığı dövrdən sonra komitə üzvləri rübdə bir dəfə Dövlətstatkomda toplaşıb rüb ərzində layihə üzrə nəzərdə tutulmuş işlərin yerinə yetirilməsini müzakirə edərək meydana çıxan problemləri həll edəcəklər. Tvinninq təlimatına əsasən, idarəetmə komitəsinin üzvləri Dövlət Statistika Komitəsi tərəfindən layihə rəhbəri və TRM tərəfdaşı, üzv dövlət tərəfindən əsas və ikinci dərəcəli layihə rəhbərləri və Avropa İttifaqının Azərbaycandakı Nümayəndəliyinin əməkdaşından ibarət olacaqdır.
Eyni zamanda görüşdə Tvinninq layihəsinə daxil olan statistik keyfiyyətin idarə edilməsi sistemi, coğrafi informasiya sistemi (CİS), gəlirlər və həyat şəraitinə dair statistika, əlil və sağlamlıq imkanları məhdud şəxslərə dair statistika və turizm statistikası komponentləri ətrafında müzakirələr aparılmışdır.
Sonda cənab Sergey Tsvetarski bu görüşdən razı qaldığını və Azərbaycan Dövlət Statistika Komitəsi ilə Bolqarıstan Milli Statistika İnstitutunun ikinci dərəcəli tərəfdaş kimi işləmək imkanına malik olması ilə əlaqədar öz məmnunluğunu bildirmişdir.
Cənab Tahir Budaqov da Dövlət Statistika Komitəsi ilə Bolqarıstan Milli Statistika İnstitutu arasındakı qarşılıqlı əməkdaşlığı müsbət dəyərləndirmişdir.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim