AZ    EN
logo
2020-ci ilin yanvar ayında ölkədə istehsal olunmuş ümumi daxili məhsulun həcmi 6520,2 milyon manat təşkil etmişdir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci ilin yanvar ayında Azərbaycana 226,2 min əcnəbi və vətəndaşlığı olmayan şəxs gəlmişdir. 2020-ci ilin yanvar ayında əsas kapitala 996,7 milyon manat vəsait yönəldilmişdir. 2020-ci ilin yanvar ayında istehlak qiymətləri indeksi 2019-cu ilin yanvar ayına nisbətən 102,7 faiz təşkil etmişdir. 2020-ci ilin yanvar ayında 4,2 milyard manatlıq sənaye məhsulu istehsal edilmişdir. 2020-ci ilin yanvar ayında pərakəndə ticarət şəbəkəsində satılmış məhsulların 3,1 milyard manata bərabər olmuşdur. 2019-cu ildə Azərbaycan Respublikasının hüquqi və fiziki şəxsləri dünyanın 195 ölkəsindəki tərəfdaşları ilə ticarət əməliyyatları həyata keçirmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır. Cari il dekabr ayının 24-ü vəziyyətinə 1019200,2 hektar sahədə dən və yaşıl yem üçün payızlıq bitkilər səpilmişdir. 2019-cu ilin yanvar-sentyabr aylarında ölkənin avtomobil yollarında 1274 yol-nəqliyyat hadisəsi baş vermişdir. 2019-cu ilin yanvar-sentyabr aylarında muzdla işləyənlərin orta aylıq nominal əməkhaqqı 603,5 manat təşkil etmişdir. 2019-cu il oktyabrın 1-i vəziyyətinə ölkə iqtisadiyyatında muzdla çalışan işçilərin sayı 1639,1 min nəfər olmuşdur. 2019-cu ilin yanvar-sentyabr aylarında ölkə üzrə mehmanxanalarda 2666,7 min gecələmə keçirilmişdir.

Belçikanın Brüssel şəhərində təşkil olunmuş “Biznes registr üzrə ekspertlər qrupunun iclası”nın yekunları barədə

12.10.2015


Azərbaycan Respublikası Dövlət Statistika Komitəsinin nümayəndəsi Statistika işlərinin əlaqələndirilməsi şöbəsi müdirinin müavini Toğrul Əcəlov cari ilin 21-23 sentyabr tarixlərində Brüsseldə BMT-nin Avropa İqtisadi Komissiyası, Avrostat, İqtisadi Əməkdaşlıq və İnkişaf Təşkilatı (İƏİT) və Avropa Azad Ticarət Assosiasiyası (AATA) tərəfindən birgə təşkil edilmiş biznes registri üzrə ekspertlər qrupunun iclasında iştirak etmişdir.
Tədbirin keçirilməsində əsas məqsəd statistik biznes registr sahəsində metodoloji və praktiki yeniliklərlə bağlı ölkə təcrübələrinin yayılması, biznes registrinin keyfiyyətinin yaxşılaşdırılması və beynəlxalq müqayisəliliyinin təmin edilməsindən ibarət olmuşdur.
İclasda təşkilatçı qurumlardan və dəvət olunmuş 55 ölkədən biznes registr üzrə 97 mütəxəssis iştirak etmişdir.
Tədbirin 1-ci və 2-ci hissələri “Müxtəlif məlumat mənbələrinin statistik biznes registrlə inteqrasiyasından alınan sahibkarlıq məlumatları” və “Statistik biznes registrin ticarət məlumatları ilə inteqrasiyası”na həsr olunmuşdur.
Bu sessiyalarda biznes demoqrafiya, statistik biznes registrinin və digər mənbələr əsasında sahibkarlıq məlumatlarının alınması, sahibkarlığın ölçülməsində biznes registrinin və ev təsərrüfatları məlumatlarının müqayisəli təhlili, statistik biznes registrinin ticarət məlumatları ilə birləşdirilməsinə dair sorğunun nəticələri, birbaşa xarici investisiyalara dair məlumatların biznes registrlə inteqrasiyası və s. mövzulara dair təqdimatlar edilmişdir.
Tədbirin 3-cü və 4-cü hissələri “Geo-məkan informasiya sistemindən istifadə - müqayisə metodları və təcrübə” və “Statistik məhsul və xidmətlərin təkmilləşdirilməsində biznes registrlərin rolu – GSBPM, GSİM, məlumatların saxlanması, yeni məlumat mənbələri, Böyük Məlumatlar ”ın müzakirəsinə həsr olunmuşdur.
Tədbirin sonuncu 5-ci hissəsi açıq məlumatlar və istifadəçilərin tələblərinə əsaslanaraq statistik biznes registrin mövcud problemləri kimi məsələləri əhatə etmişdir. Sessiyada Finladiyada “Açıq məlumatlar”, Avrostatın “Avro Registrlər Grupu”nun proqram təminatının interfeysi və iclasın ekspertləri tərəfindən müasir dövrdə registrlərə olan tələbat, onların keyfiyyətinin artırılması, istifadəçilərin tələbləri, informasiya texnologiyalarının müasirləşdiyi dövrdə onlardan statistik biznes registrində istifadə olunması və s. məsələlərə dair yekun fikirlər söylənilmişdir.
Sonda “Statistik biznes registrin aparılması qaydaları”na dair yeni hazırlanmış kitabın təqdimatı olmuşdur. Təqdimatda daha keyfiyyətli və detallı iqtisadi statistikaya artan tələbat, eyni zamanda statistik istehsalın daha effektiv olması məsələləri müzakirə edilmişdir.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim