AZ    EN
logo
2020-ci il avqust ayının 10-na olan operativ məlumata əsasən payızlıq və yazlıq dənli və dənli paxlalı (qarğıdalısız) bitkilər üzrə biçilməsi nəzərdə tutulmuş 968,1 min hektar sahənin 944,4 min hektarı biçilərək məhsulu yığılmışdır. 2020-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir 2020-ci ilin yanvar-iyul aylarında pərakəndə ticarət şəbəkəsində istehlakçılara 21,4 milyard manatlıq məhsul satılmışdır 2020-ci ilin yanvar-iyul aylarında 21,6 milyard manatlıq sənaye məhsulu istehsal edilmişdir 2020-ci ilin yanvar-iyul aylarında əsas kapitala 7588,3 milyon manat məbləğində vəsait yönəldilmişdir. 2020-ci ilin yanvar-iyul aylarında istehlak qiymətləri indeksi 102,9 faiz təşkil etmişdir. 2020-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əmək haqqı 720,0 manat olmuşdur 2020-ci ilin yanvar-may aylarında ölkənin xarici ticarət dövriyyəsi 9852,5 milyon ABŞ dolları təşkil etmişdir. 2020-ci ilin yanvar-iyun aylarında ölkədə 2,7 faiz az ümumi daxili məhsul istehsal olunmuşdur. 2020-ci ilin yanvar-iyun aylarında Azərbaycana dünyanın 152 ölkəsindən 590,1 min əcnəbi və vətəndaşlığı olmayan şəxs gəlmişdir. 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. 2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 12526,0 min ton olmuşdur 2020-ci il martın 1-i vəziyyətinə muzdla çalışan işçilərin sayı 1641,5 min nəfər olmuşdur 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.

Bişkek şəhərində “MDB-yə üzv ölkələrin milli statistika idarələrinin rəhbərləri Şurasının 53-cü iclası” və “Əhalinin siyahıyaalınması və İşçi qüvvəsinə dair statistika müşahidəsi əsasında əmək bazarı və əmək miqrasiyasına dair əldə edilən əsas göstəricilərin qiymətləndirilməsində problemlər” ilə bağlı görüş keçirilmişdir.

12.08.2015

MDB Dövlətlərarası Statistika Komitəsi və Qırğızıstan Respublikasının Milli Statistika Komitəsinin birgə təşkilatçılığı ilə “MDB məkanında əmək statistikasının inkişaf etdirilməsi” layihəsi çərçivəsində 2015-ci il avqust ayının 4-6-da Qırğızıstan Respublikasının Bişkek şəhərində “Əhalinin siyahıyaalınması və İşçi qüvvəsinə dair statistika müşahidəsi əsasında əmək bazarı və əmək miqrasiyasına dair əldə edilən əsas göstəricilərin qiymətləndirilməsində problemlər” ilə bağlı görüş keçirilmişdir. Dövlət Statistika Komitəsinin Əmək statistikası şöbəsi müdirinin müavini Nemət Xuduzadə və Əhali və gender statistikası şöbəsi müdirinin müavini Xalıq Nəsibov bu görüşdə iştirak etmişdir.
Tədbirdə MDB-yə üzv ölkələrin (Azərbaycan, Qazaxıstan, Qırğızıstan, Tacikistan, Özbəkistan, Ukrayna, Belarus, Moldova, Ermənistan və Rusiya) milli statistika idarələrinin rəhbərləri, əmək statistikası və əhalinin siyahıyaalınması sahəsində mütəxəssisləri, eləcə də Qırğızıstan Respublikasının Prezident və Hökumət Aparatlarının, Əmək, Miqrasiya və Gənclər Nazirliyi və Sosial Fondun rəsmi nümayəndələri, Beynəlxalq Əmək Təşkilatının (BƏT), Beynəlxalq Miqrasiya Təşkilatının (BMT), Avrasiya İqtisadi Komissiyasının, MDB İcraiyyə Komitəsi Aparatının və MDB Dövlətlərarası Statistika Komitəsinin mütəxəssisləri iştirak etmişdir.
Görüşün əsas məqsədi MDB ölkələri üzrə əmək miqrasiyasına dair məlumatların əldə edilməsində mövcud problemlər və gələcək perspektivlər, əhali və mənzil fondunun siyahıyaalınmasının 2020-ci il mərhələsinə hazırlıq işlərinin aparılması, Əmək Statistiklərinin 19-cu Beynəlxalq Konfransının əmək fəaliyyəti, məşğulluq və işçi qüvvəsindən tam istifadə olunmamasına dair Qətnaməsindən irəli gələn yeni standartların MDB ölkələrinin əmək bazarında qiymətləndirilməsi və “Əmək statistikasının inkişaf etdirilməsi” layihəsinin həyata keçirilməsi ilə bağlı mövzuların müzakirəsi olmuşdur.
Müxtəlif sessiyalardan təşkil olunmuş tədbirdə iştirak edən ölkələrin milli statistika orqanlarının mütəxəssislərinin müvafiq çıxışları, o cümlədən Dövlətstatkomun mütəxəssisi tərəfindən “Azərbaycan Respublikasında miqrasiya statistikası” haqqında məruzəsi təqdim olunmuşdur.
Bununla yanaşı, bütün məruzə və təqdimatlar MDB Dövlətlərarası Statistika Komitəsinin rəsmi saytında (http://www.cisstat.com/CIS Labourstat/) yerləşdirilmişdir.
Tədbir zamanı əməkçi miqrantlar haqqında məlumatları əldə etmək üçün ölkələrin müxtəlif mənbələrdən - əhalinin siyahıyaalınması, müəssisələrin siyahıyaalınması, müəssisələr statistikasına dair statistika müşahidəsi, ev təsərrüfatlarında keçirilən statistika müşahidələri (işçi qüvvəsi, əhalinin gəlir və xərclərinə dair statistika müşahidələrinə xüsusi modulların əlavə edilməsi və s.), əmək miqrasiyasına dair xüsusi statistika müşahidələri, ölkənin sərhəd keçid məntəqələrində keçirilən müşahidələr və inzibati mənbələr - istifadə etməsi qeyd edilmişdir.
Tədbirdə əmək miqrasiyasına dair istifadə olunan mövcud metodologiyanın hazırki tələblərə cavab verməməsi və yeni standartlara uyğun vahid metodologiyanın hazırlanmasının vacibliyi vurğulanmış və BƏT tərəfindən əmək miqrasiyasına dair yaradılmış İşçi qrupunun hazırda bu istiqamətdə fəaliyyət göstərdiyi tədbir iştirakçıların nəzərinə çatdırılmışdır. Göstərilən məsələlər ilə bağlı geniş müzakirələr aparılmışdır.
Görüşün sonunda Əmək Statistiklərinin 19-cu Beynəlxalq Konfransının müvafiq Qətnaməsindən irəli gələn yeni standartların tətbiqi zamanı yarana biləcək problemlər, əmək miqrasiyasının qiymətləndirilməsi də daxil olmaqla miqrasiya statistikasının təkmilləşdirilməsi kimi mövzuların aktuallığı, gələcəkdə bu mövzular ilə bağlı müzakirələrin davam etdirilməsi və təcrübə mübadiləsinin aparılmasının vacibliyi bir daha qeyd edilmiş və tədbir iştirakçıları tərəfindən bəyənilmişdir.
Avqust ayının 6-da MDB-yə üzv ölkələrin milli statistika orqanlarının rəhbərlər Şurasının 53-cü iclası keçirilmişdir. Şuranın iclasında Moldova, Belarus, Rusiya, Qırğızıstan, Tacikistan və Ermənistanın milli statistika orqanlarının rəhbərləri, Azərbaycan və Qazaxıstanın milli statistika orqanlarının səlahiyyətli nümayəndələri və MDB Dövlətlərarası Statistika Komitəsinin sədri və onun müavini iştirak etmişdir.
Tədbirdə bir çox məsələlər müzakirə olunmuş və rəhbərlər Şurasının 53-cü iclasında hazırlanmış sənədlər qəbul edilmişdir. Yekun olaraq, MDB-yə üzv ölkələrin milli statistika orqanlarının rəhbərlər Şurasının 54-cü iclasının 15 oktyabr 2015-ci il tarixində Tacikistan Respublikasının Düşənbə şəhərində keçirilməsi razılaşdırılmış, eyni zamanda MDB-nin Dövlətlərarası Statistika Komitəsinin sədri vəzifəsinə cənab V.L.Sokolinin və onun müavini vəzifəsinə V.A.Naydunovun namizədlikləri iştirakçılar tərəfindən bəyənilmişdir.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim