AZ    EN
logo
2020-ci ilin yanvar ayında ölkədə istehsal olunmuş ümumi daxili məhsulun həcmi 6520,2 milyon manat təşkil etmişdir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci ilin yanvar ayında Azərbaycana 226,2 min əcnəbi və vətəndaşlığı olmayan şəxs gəlmişdir. 2020-ci ilin yanvar ayında əsas kapitala 996,7 milyon manat vəsait yönəldilmişdir. 2020-ci ilin yanvar ayında istehlak qiymətləri indeksi 2019-cu ilin yanvar ayına nisbətən 102,7 faiz təşkil etmişdir. 2020-ci ilin yanvar ayında 4,2 milyard manatlıq sənaye məhsulu istehsal edilmişdir. 2020-ci ilin yanvar ayında pərakəndə ticarət şəbəkəsində satılmış məhsulların 3,1 milyard manata bərabər olmuşdur. 2019-cu ildə Azərbaycan Respublikasının hüquqi və fiziki şəxsləri dünyanın 195 ölkəsindəki tərəfdaşları ilə ticarət əməliyyatları həyata keçirmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır. Cari il dekabr ayının 24-ü vəziyyətinə 1019200,2 hektar sahədə dən və yaşıl yem üçün payızlıq bitkilər səpilmişdir. 2019-cu ilin yanvar-sentyabr aylarında ölkənin avtomobil yollarında 1274 yol-nəqliyyat hadisəsi baş vermişdir. 2019-cu ilin yanvar-sentyabr aylarında muzdla işləyənlərin orta aylıq nominal əməkhaqqı 603,5 manat təşkil etmişdir. 2019-cu il oktyabrın 1-i vəziyyətinə ölkə iqtisadiyyatında muzdla çalışan işçilərin sayı 1639,1 min nəfər olmuşdur. 2019-cu ilin yanvar-sentyabr aylarında ölkə üzrə mehmanxanalarda 2666,7 min gecələmə keçirilmişdir.

Moldovanın Kişinyov şəhərində “Energetika statistikasından energetika siyasətinə” proqramı çərçivəsində INOGATE-in energetikanın planlaşdırılmasına dair regional seminar keçirilmişdir

14.07.2015

Avropa İttifaqının INOGATE Texniki Katibliyinin INOGATE Proqramı çərçivəsində 2015-ci ilin 30 iyun - 1 iyul tarixlərində Moldovanın Kişinyov şəhərində “Energetika statistikasından energetika siyasətinə” proqramı çərçivəsində tərəfdaş-ölkələrin qəbul olunacaq müvafiq təşkilati sistemlərə, metodologiyalara və vasitələrə həsr olunmuş INOGATE-in energetikanın planlaşdırılmasına dair regional seminarında Azərbaycanı Energetika Nazirliyi Aparatının rəhbəri İ.Hüseynov, Dövlət Statistika Komitəsinin Sənaye və tikinti statistikası şöbəsi müdirinin müavini Ə.Kərimov təmsil etmişlər.
Seminarda Azərbaycanla yanaşı Gürcüstanın, Ukraynanın, Moldovanın, Qazaxıstanın, Qırğızıstanın, Tacikistanın, Belarusun, Ermənistanın, INOGATE-in, Beynəlxalq Enerji Agentliyinin (BEA), Avropanın Energetika Cəmiyyətinin, Moldova İqtisadiyyat Nazirliyinin, Moldova Enerji Səmərəliliyi Agentliyinin və Moldova Respublikasının Elmlər Akademiyasının Energetika İnstitutunun nümayəndələri iştirak etmişlər.
İclası giriş sözləri ilə Moldova İqtisadiyyat Nazirliyinin Enerji təhlükəsizliyi və enerji səmərəliliyi departamentinin direktoru Mariana Botezatu, INOGATE-in Texniki Katibliyindən Nikolas Brizard və Nikos Turlis açaraq INOGATE-in texniki katibliyinin energetika statistikası və siyasətinin energetika sahəsində rolundan, energetikanın planlaşdırılmasına dair energetika statistikası və energetika sahəsində idarəetmə, statistik məlumatlardan istifadə və təhlil, gələcək planlarda BEA-nin tövsiyələrindən istifadə, habelə tərəfdaş-ölkələrdən “Yol xəritəsi”nin tədricən reallaşmasından və bu kimi sahələr üzrə Avropa İttifaqı (Aİ) ilə əməkdaşlıqdan bəhs etmişlər.
Hər bir təqdimatdan sonra seminar iştirakçıları arasında təqdim olunmuş mövzularla bağlı müzakirələr aparılmışdır.
2-ci sessiyada energetika statistikasının enerji planlaşdırılması üçün nəzərdə tutulmuş onlayn sorğu cədvəllərinin nəticələri ilə bağlı Nikolas Brizard çıxış etmişdir.
Növbəti təqdimatlar INOGATE tərəfdaş-ölkələr tərəfindən energetika və energetika statistikası sahəsində görülmüş işlər barəsində olmuşdur. Ölkələr cari ildə gördükləri işlərdən, əldə etdikləri nailiyyətlərdən və qarşıya çıxan problemlərdən bəhs etmişlər. INOGATE tərəfdaş-ölkələrin energetika qurumlarını (nazirliklərini) təmsil edən nümayəndələri öz çıxışlarında ölkələrində energetika sahəsində siyasətin hazırlanması və qərarların qəbul edilməsinə energetika statistikasının inteqrasiya olunması vəziyyəti haqqında məlumat vermişlər. Azərbaycan tərəfindən nümayəndəmiz Ə.Kərimov çıxış etmişdir.
Növbəti gün faktlar əsasında enerji siyasətinin monitorinqinə açılan yollara həsr olunmuş INOGATE-in Beynəlxalq konfransı keçirilmişdir.
Tədbirin sonu INOGATE tərəfdaş-ölkələr üçün maraq kəsb edən prioritet məsələlərin və sahələrin, energetika statistikasının, enerji balanslarının və planlaşdırılmasının (INOGATE Texniki Katibliyinin sədrliyi altında) məlumatlarının keyfiyyətinin yaxşılaşdırılması üzrə növbəti ilə olan tədbirlərlə bağlı təklif və tövsiyələrin müzakirəsinə həsr olunmuşdur.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim