AZ    EN
logo
2020-ci il avqust ayının 10-na olan operativ məlumata əsasən payızlıq və yazlıq dənli və dənli paxlalı (qarğıdalısız) bitkilər üzrə biçilməsi nəzərdə tutulmuş 968,1 min hektar sahənin 944,4 min hektarı biçilərək məhsulu yığılmışdır. 2020-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 167 ölkəsindəki tərəfdaşları ilə ticarət əməliyyatları həyata keçirmişdir 2020-ci ilin yanvar-iyul aylarında pərakəndə ticarət şəbəkəsində istehlakçılara 21,4 milyard manatlıq məhsul satılmışdır 2020-ci ilin yanvar-iyul aylarında 21,6 milyard manatlıq sənaye məhsulu istehsal edilmişdir 2020-ci ilin yanvar-iyul aylarında əsas kapitala 7588,3 milyon manat məbləğində vəsait yönəldilmişdir. 2020-ci ilin yanvar-iyul aylarında istehlak qiymətləri indeksi 102,9 faiz təşkil etmişdir. 2020-ci ilin yanvar-iyun aylarında ölkə iqtisadiyyatında muzdla çalışan işçilərin orta aylıq nominal əmək haqqı 720,0 manat olmuşdur 2020-ci ilin yanvar-may aylarında ölkənin xarici ticarət dövriyyəsi 9852,5 milyon ABŞ dolları təşkil etmişdir. 2020-ci ilin yanvar-iyun aylarında ölkədə 2,7 faiz az ümumi daxili məhsul istehsal olunmuşdur. 2020-ci ilin yanvar-iyun aylarında Azərbaycana dünyanın 152 ölkəsindən 590,1 min əcnəbi və vətəndaşlığı olmayan şəxs gəlmişdir. 2020-ci il yanvarın 1-nə ölkədə dövlət qulluqçularının sayı 29,4 min nəfər olmuşdur. 2020-ci ilin yanvar-mart aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 12526,0 min ton olmuşdur 2020-ci il martın 1-i vəziyyətinə muzdla çalışan işçilərin sayı 1641,5 min nəfər olmuşdur 2019-cu ildə atmosfer havasına atılmış çirkləndirici maddələrin 84,2 faizi avtomobillərdən atılan tullantıların payına düşmüşdür. Hörmətli vətəndaşlar! Məlumat üçün bildiririk ki, koronavirus infeksiyası ilə əlaqədar Dövlət Statistika Komitəsində vətəndaş müraciətlərinin qəbulu yalnız elektron formada (sc@stat.gov.az) və telefon vasitəsilə (+99412-539-82-39) həyata keçirilir. 2019-cu ildə Avropa-Qafqaz-Asiya nəqliyyat dəhlizinin Azərbaycan hissəsində əvvəlki illə müqayisədə yük daşınmasında 0,2 faiz artım müşahidə edilmişdir. 2020-ci il yanvar ayının 1-i vəziyyətinə ölkə əhalisinin sayı 10067108 nəfərə çatmışdır.

Məşğulluq statusu üzrə beynəlxalq təsnifatın yenidən işlənib hazırlanması ilə əlaqədar yaradılmış İşçi Qrupun Cenevrə şəhərində görüşü keçirilmişdir.

19.05.2015

Əmək, məşğulluq və işçi qüvvəsindən tam istifadə olunmaması statistikası üzrə Əmək Statistiklərinin 19-cu Beynəlxalq Konfransının qətnaməsindən irəli gələn yeni standartlar əsasında Məşğulluq statusu üzrə beynəlxalq təsnifatın yenidən işlənib hazırlanması məqsədilə Beynəlxalq Əmək Təşkilatı (BƏT) tərəfindən yaradılmış İşçi qrupun birinci görüşü 2015-ci il may ayının 6-8-də Cenevrə şəhərində keçirilmişdir. İşçi qrupun üzvü kimi Dövlət Statistika Komitəsinin Əmək statistikası şöbəsi müdirinin müavini Nemət Xuduzadə bu görüşdə iştirak etmişdir.
Görüşün əsas məqsədi 1993-cü ildə qəbul edilmiş Məşğulluq statusu üzrə beynəlxalq təsnifatın (MSBT) Əmək Statistiklərinin 19-cu Beynəlxalq Konfransının qətnaməsindən irəli gələn yeni standartlar əsasında yenidən işlənib hazırlanması üçün müvafiq müzakirələrin aparılması olmuşdur.
Görüşdə İşçi qrupuna üzv olan ölkələrin - Avstraliya, ABŞ, Argentina, Azərbaycan, Almaniya, Meksika, Çili, İsveçrə, Finlandiya, İngiltərə, Hindistan, Çin və Cənubi Afrika Respublikası milli statistika orqanlarının və beynəlxalq təşkilatların (Avrostat, BƏT, Yaşayış və İş şəraitinin yaxşılaşdırılması üzrə Avropa Fondu (Avrofond) və Qloballaşan İqtisadiyyatın Qeyri-formal sektorunda Qadınlar (WIEGO)) mütəxəssisləri iştirak etmişdir.
Beynəlxalq təşkilatların mütəxəssisləri tərəfindən mövcud məşğulluq standartlarının dəyişdirilməsi və genişləndirilməsi üzrə BƏT-in vəzifələri, əmək statistikası üzrə yeni standartlar, “əmək” və “əməyin formaları” anlayışları, işçi qüvvəsindən tam istifadə olunmamasının qiymətləndirilməsi, işçi qüvvəsindən kənar qalan əhalinin və əmək qabiliyyətli əhalinin təsnifləşdirilməsi ilə bağlı təqdimatlar olmuş və geniş müzakirələr aparılmışdır.
Eyni zamanda, rəsmi müqavilə əsasında evdə çalışan işçilər, müntəzəm məşğulluq, müstəqil və tabeçilikdə olan işçilər, könüllülük əsasında görülən işlər və onların milli səviyyədə tətbiqi ilə bağlı Avstraliya, İsveçrə və Meksika təcrübələri müzakirə olunmuşdur.
Tədbirin sonunda, növbəti görüşün cari ilin sonunadək təşkil edilməsi, bu dövrədək işçi qrupun üzvləri arasında müzakirələrin elektron poçt vasitəsilə aparılması razılaşdırılmışdır.

un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim