Tikinti

“Azərbaycanda tikinti” illik statistik məcmuəsinə tikinti statistikasına dair göstəricilər daxil edilmişdir. Məcmuədə ölkədə istifadəyə verilmiş mühüm əhəmiyyətli müəssisələr (istehsal gücləri) və obyektlər, əsas kapitala yönəldilmiş ümumi investisiya, o cümlədən məhsul istehsalı sahələrinə, xidmət sahələrinə və yaşayış evlərinin tikintisinə, xarici və daxili mənbələrdən yönəldilmiş investisiyalar, neft və qeyri-neft sektoruna yönəldilmiş investisiyalar, xarici ölkələr üzrə əsas kapitala yönəldilmiş investisiyalar, iqtisadiyyatın aparıcı sahələrinin (kənd təsərrüfatı, sənaye, tikinti, nəqliyyat, rabitə və s) inkişafına yönəldilmiş investisiyaların həcmi, daxili və xarici investisiyaların iqtisadiyyatın sahələri üzrə və mülkiyyət növləri üzrə bölgüsü, habelə ölkədə istifadəyə verilmiş yaşayış evləri, xəstəxanalar, ambulatoriya-poliklinika, ümumi təhsil və məktəbəqədər təhsil müəssisələri haqqında məlumatlar öz əksini tapmışdır. Məcmuədə ölkə ərazisində fəaliyyət göstərən tikinti müəssisələrinin fəaliyyətini xarakterizə edən göstəricilər, o cümlədən yerinə yetirilmiş tikinti işlərinin dəyəri və fəaliyyət göstərən tikinti müəssisələrinin sayı haqqında məlumatlar göstərilmişdir.
Məcmuə iqtisadçılar, elmi işçilər, tələbələr və digər istifadəçilər üçün nəzərdə tutulmuşdur.
Nəşrlərdə və çap işlərində statistik məlumatdan istifadə edərkən Azərbaycan Respublikasının Dövlət Statistika Komitəsinə istinad edilməlidir.

Şərti işarələrin izahı:
« - » hadisə mövcud deyil
« ... » statistik məlumat yoxdur
« * » qiymətləndirmə, hesablama
« 0.0 » hadisə baş vermişdir, lakin onun qiyməti uyğun ölçü vahidindən kiçikdir