home envelope sitemap
logo
İlin əvvəlindən ölkə əhalisinin sayı 33050 nəfər və ya 0,3 faiz artaraq 2017-ci il iyun ayının 1-i vəziyyətinə 9843031 nəfərə çatmışdır. 2017-ci il iyunun 1-i vəziyyətinə ölkə iqtisadiyyatında muzdla çalışan işçilərin sayı 1525,2 min nəfər olmuşdur. 2017-ci ilin yanvar-iyun aylarında 2016-cı ilin eyni dövrünə nisbətən sənaye məhsullarının istehsalçı qiymətləri 49,7 faiz bahalaşmışdır. 2017-ci ilin yanvar-iyun aylarında 2016-cı ilin eyni dövrünə nisbətən nəqliyyat sektorunda yükdaşıma qiymətləri milli valyutada 12,3 faiz bahalaşmışdır. 2017-ci ilin yanvar-iyun aylarında 2016-cı ilin eyni dövrünə nisbətən kənd təsərrüfatı məhsullarının istehsalçı qiymətləri 10,4 faiz bahalaşmışdır 2017-ci ilin yanvar-iyun aylarında istehlak məhsullarının və xidmətlərin qiymətləri 2016-cı ilin müvafiq dövrünə nisbətən 13,9 faiz bahalaşmışdır. 2017-ci ilin yanvar-iyun aylarında ölkə sənayesində 18,6 milyard manatlıq və ya əvvəlki ilin müvafiq dövrü ilə müqayisədə 5,5 faiz az sənaye məhsulu istehsal edilmişdir 2017-ci ilin yanvar-iyun aylarında pərakəndə ticarət şəbəkəsində satılmış məhsulların dəyəri əvvəlki ilin eyni dövrünün səviyyəsini müqayisəli qiymətlərlə 1,8 faiz üstələyərək 16,2 milyard manata bərabər olmuşdur. 2017-ci ilin yanvar-iyun aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 7138,6 milyon manat və ya əvvəlki ilin yanvar-iyun ayları ilə müqayisədə 2,9 faiz az vəsait yönəldilmişdir. 2017-ci ilin birinci yarısında bütün maliyyə mənbələri hesabına ümumi sahəsi 838,1 min kvadrat metr olan yeni yaşayış evləri tikilib istifadəyə verilmişdir. 2017-ci ilin birinci yarısında ölkədə 31310,6 milyon manat dəyərində ümumi daxili məhsul istehsal edilmişdir.
image

Cenevrədə ekologiya statistikasına həsr olunan beynəlxalq tədbirlər keçirilir

2017-06-29

27-30 iyun tarixllərində İsveçrənin Cenevrə şəhərində BMT-nin Avropa İqtisadi Komissiyasının “Ətraf mühitin monitorinqi və qiymətləndirilməsi” üzrə işçi qrupunun 19-cu və “Ekoloji statistika və göstəricilərə dair” məqsədli işçi qrupunun 13-cü sessiyaları keçirilir. Tədbirlərdə Azərbaycan Respublikası Dövlət Statistika Komitəsinin Energetika və ətraf mühit statistikası şöbəsinin müdiri Rəna Lazımova iştirak edir.

“Ətraf mühitin monitorinqi və qiymətləndirilməsi” üzrə işçi qrupunun 19-cu sessiyasında ətraf mühitin qiymətləndirilməsi və regional informasiya şəbəkəsinin yaradılması, ekoloji informasiyanın birgə sisteminə dair hesabat, iqtisadi, sosial və ekoloji məlumatların inteqrasiyası, “Ekoloji statistika və göstəricilərə dair” məqsədli işçi qrupunun 13-cü sessiyasında isə biomüxtəliflik göstəricilərinə yenidən baxılması, energetika göstəricilərilə bağlı tövsiyələrin həyata keçirilməsi, BMT-nin Statistika Şöbəsi tərəfindən suyun keyfiyyətinə dair məlumatların pilot toplanılması, tullantılar statistikası, ətraf mühit statistikası üzrə fəaliyyətin və potensialın gücləndirilməsinə tələbat və Dayanıqlı İnkişaf Məqsədləri (DİM), DİM sahəsində inkişafa dair məlumatların yenilənməsi məsələləri müzakirə olunacaq.

Sessiyalarda “Avropa İttifaqının praktikası əsasında Azərbaycanda ətraf mühitin vəziyyətinə dövlət nəzarəti və  müşahidəsi sisteminin modernləşdirilməsi” və BMT-nin Statistika Şöbəsinin və Ətraf Mühit Proqramının “Ətraf mühitə dair sorğu vərəqi-2016” üzrə məlumatların təqdim edilməsi nəzərdə tutulub.

29.06.2017

kişisel blog online web dersleri
un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim