home envelope sitemap
logo
2017-ci il iyulun 1-i vəziyyətinə ölkə iqtisadiyyatında muzdla çalışan işçilərin sayı 1527,7 min nəfər olmuşdur. 2017-ci ilin yanvar-iyul aylarında ölkə sənayesində 21,8 milyard manatlıq sənaye məhsulu istehsal edilmişdir. 2017-ci ilin yanvar-iyun aylarında Azərbaycan Respublikasının hüquqi və fiziki şəxsləri dünyanın 171 ölkəsindəki tərəfdaşları ilə ticarət əməliyyatları həyata keçirmişdir 2017-ci ilin yanvar-iyul aylarında istehlak məhsullarının və xidmətlərin qiymətləri 2016-cı ilin müvafiq dövrünə nisbətən 14,0 faiz, o cümlədən ərzaq məhsullarının qiymətləri 18,2 faiz, qeyri-ərzaq məhsullarının qiymətləri 12,6 faiz, əhaliyə göstərilən ödənişli xidmətlərin qiymətləri 9,6 faiz bahalaşmışdır. 2017-ci ilin yanvar-iyul aylarında pərakəndə ticarət şəbəkəsində satılmış məhsulların dəyəri 19,0 milyard manata bərabər olmuşdur. 2017-ci ilin yanvar-iyun aylarında Avropa-Qafqaz-Asiya nəqliyyat dəhlizinin Azərbaycan hissəsində daşınmış yüklərin həcmi 25650,8 min ton, yük dövriyyəsi isə 5385,6 milyon ton-km olmuşdur. 2017-ci ilin yanvar-iyul aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 8728,8 milyon manat vəsait yönəldilmişdir. İlin əvvəlindən ölkə əhalisinin sayı 33050 nəfər və ya 0,3 faiz artaraq 2017-ci il iyun ayının 1-i vəziyyətinə 9843031 nəfərə çatmışdır. 2017-ci ilin yanvar-iyun aylarında 2016-cı ilin eyni dövrünə nisbətən sənaye məhsullarının istehsalçı qiymətləri 49,7 faiz bahalaşmışdır. 2017-ci ilin yanvar-iyun aylarında 2016-cı ilin eyni dövrünə nisbətən nəqliyyat sektorunda yükdaşıma qiymətləri milli valyutada 12,3 faiz bahalaşmışdır. 2017-ci ilin yanvar-iyun aylarında 2016-cı ilin eyni dövrünə nisbətən kənd təsərrüfatı məhsullarının istehsalçı qiymətləri 10,4 faiz bahalaşmışdır 2017-ci ilin yanvar-iyun aylarında ölkənin iqtisadi və sosial sahələrinin inkişafı üçün bütün maliyyə mənbələrindən əsas kapitala 7138,6 milyon manat və ya əvvəlki ilin yanvar-iyun ayları ilə müqayisədə 2,9 faiz az vəsait yönəldilmişdir. 2017-ci ilin birinci yarısında bütün maliyyə mənbələri hesabına ümumi sahəsi 838,1 min kvadrat metr olan yeni yaşayış evləri tikilib istifadəyə verilmişdir. 2017-ci ilin birinci yarısında ölkədə 31310,6 milyon manat dəyərində ümumi daxili məhsul istehsal edilmişdir.
image

Beynəlxalq əməkdaşlıq və təcrübə mübadiləsi Dövlət Statistika Komitəsinin fəaliyyətinin prioritet istiqamətlərindəndir

2017-05-19

15-19 may tarixlərində Azərbaycan Respublikasının Dövlət Statistika Komitəsi sədrinin müavini Yusif Yusifovun rəhbərlik etdiyi nümayəndə heyəti “Milli statistika sisteminin Avropa standartlarına uyğunlaşdırılmasında Azərbaycan Respublikasının Dövlət Statistika Komitəsinə dəstək” Tvinninq layihəsi çərçivəsində Almaniya Federativ Respublikasında səfərdə olub. Səfərdə layihənin komponentləri üzrə həyata keçiriləcək fəaliyyətlər müzakirə edilib, statistikada keyfiyyətin idarə edilməsi sisteminin və Statistik Biznes-Prosesin Ümumi Modelinin tətbiqi, statistik proseslər üzrə işçi heyəti tərəfindən sərf edilən vaxtın ölçülməsi sahəsində Almaniyanın təcrübəsi öyrənilib. 

Almaniya Federal Statistika İdarəsində və Berlin Statistika Şöbəsində təşkil edilmiş görüşlərdə Avropa Statistika Sisteminə əsasən Almaniyada tətbiq edilən keyfiyyət modelləri və onların meyarları, auditlərin aparılmasına dair təlimatlar müzakirə edilib, statistik məqsədlər üçün istifadə edilən inzibati məlumatların keyfiyyəti, müəssisələrin üzərinə düşən informasiya yükü, təsnifatlar və statistik məlumatlara yenidən baxılması və aşkar edilmiş xətalarla bağlı atılan addımlardan danışılıb. Mikrosiyahıyaalmalar, ilkin məlumatların qorunmasında tətbiq edilən metodlar kimi qarşılıqlı maraq doğuran məsələlər haqqında fikir mübadiləsi aparılıb, statistik istehsal prosesində tətbiq edilən standart modellərin məlumatların keyfiyyətinin yüksəldilməsinə, onların istehsalına çəkilən xərclərə təsirindən geniş bəhs olunub. 

Tədbirdə həmçinin Azərbaycanda keyfiyyətin idarə edilməsi sisteminin tətbiqinə dair geniş təqdimat olub. Bildirilib ki, son illər Dövlət Statistika Komitəsində bu sahədə həyata keçirilmiş fəaliyyətlər beynəlxalq aləmdə qəbul edilmiş ən yeni standartlara uyğundur və İsveçrənin “SGS” şirkəti tərəfindən aparılmış auditin nəticələrinə görə Komitə və 13 yerli statistika orqanı 2017-ci ilin aprel ayında “Rəsmi statistika məlumatlarının istehsalı və yayılması” sahəsində İSO 9001:2015 Keyfiyyəti İdarəetmə Sisteminə dair beynəlxalq uyğunluq sertifikatına layiq görülüb.

19.05.2017

kişisel blog online web dersleri
un_data statistikanin_saheleri xarici-dovlet-qurumlari dovletsaytlari baki_statistika_idaresi naxcivan_statistika_komitesi etsim